داخل غرفة العروس، يدخل عادل
عادل : ايه القمر ده️
العروسة : الفستان تحفة جبته منين؟
عادل : صاحبى جه من مصر مخصوص يحضر فرحى وعنده اتيليه فقلت استغله فجبهولى معاه هدية، وكمان من زمان عارف ان عنده احلى فساتين، فقلت أكيد هيجبلى أحلى حاجة وانه هيعجبك .
تطرق مونيكا الباب لتدخل ثم تسلم على العرسان
مونيكا : أحلى عرسان فى الدنيا
العروسة بفرحة : عقبالك يا مونيكا.
عادل بمضض : مش كنتى تستنى تحت مع المعازيم احنا متأخرناش .
مونيكا : اخص عليك يا عادل انا زيي زيهم برده، وبعدين دا انا جايبه لعروستنا هدية معتبرة قلت لازم ادهلها قبل الفرح، ازازاة برفان مستوردة ريحتها بتفضل فوق ال ٤٨ ساعة مبتروحش.
العروسة بفرحة : مرسى اوى بجد، وتمد يدها قائلة : هاتى ارشها ؟
مونيكا بغيظ : لا هرشهالك انا ، وترش مونيكا الزجاجة بشراهة إلى أن تنتهى.
تكح العروسة بحدة
عادل : ايه حيلك رشتيها كلها، غرقتى العروسة خالص! وبعدين فين الريحة دى انا حساسها ملهاش ريحة.
مونيكا بخباثة : أتقل والريحة هتشتغل ، يلا مبروك هستناكوا تحت، وتغادر.
طبعاً عادل طلقها بعد ما طباعهم اتغيرت على بعض بدون اسباب ، الحقيقة أنا كماجد مش بطل القصة لوحدى ، تعالوا نشوف مين الأبطال التانيين
……………………………………..
كانت تنظر بلامبالاة قطع شرودها صوت المأذون وهو يطلب منها أن تقول وراءه : بريتك من كل شئ .
عم الصمت إلى أن نطق وكيلها بتلك الجملة، فردف زوجها : وانتى طالق منى على هذا.
ينصرف الحضور مع بعض الهمسات
-دى مبيعشلهاش رجالة
– مش دى ثالث جوازة وتتطلق
– يا عينى مفيش عريس بيكمل معاها السنة
……………………………………..
فى أحد الكافيهات
عبدالله : تشربى ايه؟
فلا تجبه
عبدالله : هاتلنا ٢ مانجا
ينصرف النادل
عبدالله : وبعدين فى الحزن ده، مكنوش يستاهلوكى.
قلوب : انا متشكرة انك كل مرة بتحاول تهون عليا.
عبدالله : يعنى كل ده مش حاسه بيا يا قلوب.
قلوب : دلوقتي بس حسيت بيك بس برده مش هينفع نتجوز، علشان مش عاوزه اخسرك، لو اتجوزتك هتتغير عليا زيهم كلهم
عبدالله : محبوكيش قدى، كلهم صالونات، انا الوحيد اللى حبيتك، وانتى كنتى دايما بترفضى علشان سنتين فرق سن بينا، انتى مش أكبر منى انتى طول عمرك اصغر منى بقلبك مش سنك، قلبك قلب طفلة.
قلوب بشرود : معقولة اللى بيحصل دا طبيعى؟ كلهم يتغيروا عليا فجأه بدون اسباب؟ انا حاسه ان فى حاجة غلط، زى ما يكون حد عملى عمل.
عبدالله : انتى بتصدقى فى التخاريف دى
*تتذكر قلوب عندما كانت ببالغ اناقتها يوم عرسها وبعد أنتهاء العرس *
*انتى ازاى ترقصى بالمنظر ده
= انا مرقصتش كتير
*يعنى انا أعمى
=مالك فيك ايه انتى بتنكد عليا يوم دخلتى، عمال تتخانق معايا من أول ما الفرح خلص.
*دا أنا مجنون بقى ، طب انتى حيث كده كل شئ نصيب ، وخدى بعضك وارجعى بيت أهلك ، وورقة طلاقك هتوصلك .
تعود بالذاكرة وهيا تنهمر بالبكاء، يحاول عبدالله تهدئتها ويأخدها وينصرف
تعود قلوب الى شقتها لتجدها مزدحمه بعزالها
والدة قلوب تتحدث فى الهاتف : معندهمش أصل ، جم رمولنا العزال ومشيوا مش قادرين يستنوا لبكره، ال ايه مش عاوزين من وش بنتكوا حاجة اللى حفيوا علشان يتجوزوها.
تدخل قلوب حجرتها ولا تهتم