الضحية التانية|قصة رعب نفسي

قصة رعب نفسي:- أصعب يوم للأم

يمكن ده أصعب يوم أعيشه في حياتي، مكنتش قادرة أتماسك وكنت حاسة إن شوية وهقع من طولي وأنا واقفة في المقابر وشايفة بنتي الوحيدة وهي بتدفن.

شريط ذكرياتي معاها عدا قصادي، افتكرت اول حضن،

افتكرت وقت لما شيلتها لأول مرة وقد ايه شعور جميل

إتبدل وجعي بفرحة لـ قدومها.

وبعد 18 سنه تروح من بين ايدي وتنتحر وتشنق نفسها في المروحة.

إفتكرت محاربتي لطليقي علشان أخد الحضانه

وذكري ورا ذكري.

فضلت قاعده عند قبرها أتكلم معاها وأدعيلها ودومي موقفتش أبدًا وأنا بتمني من جوايا إن ده يبقي حلم وأصحي منه.

وبعد ساعات روحت البيت، وأول حاجة عملتها دخلت أوضتها، مسكت مخدتها وكل حاجتها

ودموعي حطت عليهم آثارها، آثار تبين وجع القلب اللي جوايا.

مسكت موبايلها وفضلت أتفرج علي صورها

سيدرا كانت مهووسه بتسجيل فويس نوت عن حياتها اليومية.

قصة رعب نفسي:- تسجيلات صوتية غامضة

فتحت ريكورد ورا ريكورد علشان أسمع صوتها كان كل حاجة طبيعية بتسجل يومها، وأنشتطها اليومية.

لغاية لما فتحت ريكورد كانت بتقول فيه:-

{أنا قاعده لوحدي في البيت زي كل يوم ماما في الشغل ومش هتيجي غير بليل أكون أنا نمت، أنا عارفه إنها بتعمل كده علشاني بس انا كنت عايزاها تكون جمبي، أنا ما بشوفهاش غير ساعتين الصبح،ماما عملت زي بابا هما الاتنين سايبني، بابا أنا عمري ماشفته غير مرتين ومفيش فرق ببنه وبين ماما}

وريكورد تاني كانت بتقول فيه

{أنا وحيده نفسي يكون ليا أب وأم فعلا، نفسي أحس إن ماما جمبي{

خلصت الريكورد وانا بعيط بقهر وحاسه بالذنب أكيد إنتحرت بسبب إهمالي أنا السبب ااكلمت بتنهيدة مليانة عياط:-

_ تعاليلي يا سيدرا وانا مش هسيبك دقيقة واحدة.

كل دول كانت بتتكلم فيهم عن حياتها معايا لكن الفويس نوت ده كان غامض بالنسبالي ومفهمتهوش لكني قلقت بعد ما سمعته وكانت بتقول فيه:-

{انا شوفتها النهارده انصدمت لما شوفتها

ازاي كده انا مش فاهمه حاجه

روحت وراها البيت وانصدمت من اللي شفته

انا عرفت سر خطير محدش يعرفه غير خمسة}

وخلصت الريكورد وأنا مش فاهمة حاجة، ولقيتني بنام

وأنا حاضنة التليفون.

صحيت تاني يوم وقعد في البلكونة وأنا عاملة زي

المـ. ـيتة لكن اللي يفرق عنها أني فيا روح.

بصيت قدامي فلقيت بيت شبابيكه مفتوحة وبيظهر فيها بنت صغيرة بتلعب وفرحانة بألعابها وبتيجي من وراها مامتها تحضنها وبتطبع بوسة علي خدها وبتلعب معاها.

دموعي نزلت بندم علي عدم وجودي مع سيدرا.

وفي الوقت ده افتكرت الفويسات فقومت أخدت موبايل سيدرا ورجعت للبلكونة تاني.

فتحت ريكورد تاني وعرفت إن ده أخر ريكورد كانت بتتكلم فيه بكل قلق وخوف:-

{عرفوا إني عرفت السر وهددوني إنهم هيقتلوني لو قولت لحد، انا خايفة اوي منهم ومش عارفه أعمل اي مش هقدر أعرف ماما}

حطيت ايدي علي قلبي من الصدمة

في سر وانا لازم أعرفه، فعلًا كان في حاجى غريبة في تصرفات سيدرا الايام اللي فاتت..كانت بترفض خروجات صحابها، ولما كنت بديلها فلوس تجيب لبس بترفض بالرغم من إن الشوبينج من هواياتها، وكانت خايفه وقلقانه طول الوقت، ازاي الاحظ حاجة زي ديه الوقتي.

بس للأسف ده كان أخر ريكورد، كان تاريخه من أسبوع

مش من الطبيعي إنها متعملش ريكوردات لأسبوع كامل.

فضلت أقلب في موبايلها علي أمل إني ألاقي حاجة وفعلًا فتحت مذكراتها اللي علي الموبايل، وإتفأجئـت بعنوان مكان

وبسرعه لبست وروحت للعنوان ده واللي كان عيادة دكتور نفسي.

قصة رعب نفسي:- الذهاب إلى الدكتور النفسي

وقفت قدامه وأنا بفكر باستغراب: هو ممكن تكون سيدرا بتروح لدكتور نفسي،طب ليه اصلا وليه مقالتليش

دخلت للسكرتيرة وورتها صورة سيدرا وقولتلها

_هي البنوتة دي كانت حاجزة هنا

بصتلي شوية وبعدين إعتذرتلي:-

_للأسف مقدرش أوضحلك إي بيانات في هنا خصوصية

فضلت مصممة وحاولت أخليها ترد لحد لما وافقت تقولي:-

_أأيوه يا مدام ديه دايما بتيجي هنا.

_طب هي كانت بتيجي من امتي؟!

_بقالها سنتين أو تلاته لكن الأسبوع ده مجتش فيه!

شكرتها وكنت لسه همشي لكني لقيت رسالة مبعوتالي من رقم غريب واللي كان فويس.

فتحته علي طول وإتفأجئت إنه فويس نوت من فويسات سيدرا.

10/2/2026… أنا حاولت أقول لماما علي السر بس عرفت إنهم مرقبني ولما إجتلي الفرصه ماما مكنتش فاضية

هما ممكن يقتلوني وانا خايفه أوي.

قصة رعب نفسي:- بداية التحقيق

خلص الفويس، واتصلت بالرقم بس مردش، فاتصلت ب جوز اختي وطلبت إني أقابله.

وفعلا بعد ماخلص شغل قابلته في كافيه، كان ظابط وشاطر جدًا.

حكتله علي كل حاجه وورتله الفويسات.

قالي بعد ماسمعها:-

_للأسف الريكوردات دي مفيهاش تفاصيل و متبينش حاجة ومتعتبرش دليل قوي بس انا هحاول أوصل لاي ادلة علي قد ماقدر وهتعقب رقم الموبايل اللي اتبعت منه الريكورد.

قولتله وأنا ببكي:-

_ أكيد بنتي إتقتلت ولازم نجيب حقها.

قولتهاله بانهيار فحاول يهديني ووداني لبيته عند أختي دينا.

قالتلي بقلق:طب هو مين اللي ممكن يكون قتلها انت شاكه في حد

فكرت كتير وقولت : ليكون يوسف

قالتلي بعدم يقين: لا معتقدش ده ابوها ازاي هيعمل فيها كده

ريتاج:بس انت فاكرة يوم المحكمه لما أخدت حضانة البنت هددني إنه هينتقم مني

_فكرت كتير وقالت:عندك حق ممكن يكون طول السنين دي كان بيفكر هيقتلها ازاي

قصة رعب نفسي:- شك غريب

ومرة واحدة إجتلنا منه بنت أختي من الدرس عندها ١٢ سنه حضنتني وهي بتعيط

_ ربنا يرحمها أنا كنت بحبها أوي لازم تجبيلها حقها من القاتل يا خالتو

قولتلها بإستغراب:بس انت عرفتي ازاي إن هي ممكن تكون إتقتلت؟!

مردتش عليا واستأذنت علشان تروح درسها وبعد شوية اتفأجئت برساله مبعتوالي من نفس الرقم

فتحت الريكورد ولقيته كانت بتقول فيه:

13/2/2026

هما مش هيستنوا حتي لو ليوم واحد هيحققوا تهديدهم قريب

حاولت اتصل بماما كتير مردتش هما مرقبني سمعني واكيد هيحاولوا يمسحوا الريكوردات بس مش المهم اني هموت المهم ان ماما تاخد بالها من الأشخاص المحيطين بيها اللي يقربولها بعد موتي هي اكيد هتموت ماما شبه ما هتموتني))

قصة رعب نفسي:- الشك في الأقربون

اخر جمله غريبة

اخد بالي من الأشخاص القريبين مني

هي قصدها علي مين

بصيت لاختي ولقيتها متوترة

زعقت فيها وقولتلها :سيدرا تقصد اي بالأشخاص المحيطين

قتلتيها ليه هي عملتلك ايه؟!

قالتلي بصدمة:-

_اي اللي انت بتقوليه ده أنا ازاي ممكن أقتل روح بريئه ريكورد هيشكك فيا

روحي شوفي مين قتلها بدل مانتي هتلبسيني جريمه كدا

مشيت وكلمت جوز أختي، وسمعتله أخر ريكورد، أخده مني وقالي إن ده هيبقي دليل، لكني إتفأجئت باللي قاله ليا إن

عنوان صاحب الموبايل اللي بعتلي عليه الريكوردات بيكون بيته هو.

كنت مصدومه شكوكي اتأكدت اختي قتلتها وقررت هروح القسم وهعمل محضر.

وانا ماشيه عديت علي عيادة الدكتور النفسي وفضلت متنحة ومش مصدقة اللي شوفته، شوفت سيدرا

ومن غير تردد جريت عندها وحضنتها وانا ببكي باشتياق:- سيدرا…سيدرا وحشتيني.

لقيتها بصتلي بإستغراب وقالت

_سيدرا ؟! هو انتِ مين؟!

بعدت عنها وأنا عاقدة حاجبي.

هو هي فعلا ولا من شدة إشتياقي ليها بشوفها في الناس

مسكت عيني وفضلت أبصلها كتير

لا لا مستحيل دي سيدرا

قولتلها وانا بعيط:سيدرا أنا مامتك ، أكيد أنا مش بحلم وأكيد انتِ ما موتيش

بعددني عنها وقالت بزعيق للشارع: ابعدوا عني الست الغريبه ديه.

مشت ودخلت عند العيادة

جريت وراها وقولتلها : انت بتعملي فيا كده ليه

صوتت في العيادة وهي بتقول

_الست دي مجنونه إبعدوها عني

وفجأة الموظفين اتلموا وبعدوني عنها

زعقت فيهم

_دي بنتي سيدرا

سيدرا قالت بإنكار: الست دي كذابه أنا معرفهاش.

اجي في عقلي إن يوسف طليقي هو اللي أجبرها تعمل وتقول كده.

فتحت الفون وورتلهم صوري معاها

الموظفين بصوا للصور واقتنعوا وسابونا، طلبت مني أروح معاها لمكان فوافقت وروحنا بيت، بيت غير مألوف ليا.

قدمتلي عصير شربت منه وبعدين حطيته تاني علي الطربيزه وقولت:-

_ بصي يا سيدرا فهميني ليه بتعملي كده؟!

قالتلي بعييط : بابا هو السبب ، زيف موتي وعملي بطاقه واسم غير إسمي علشان يبعدك عني.

في الأول أجي في بالي مشهد وفاتها ودفنها لكن كان جوايا عدم تصديق بإن كل اللي عيشته محصلش ومش حقيقي وأكيد هي مماتش،أكيد يوسف طليقي عمل كده.

ومن غير أي مقدمات محستش بنفسي ودماغي تقلت وغيبت عن الوعي وأخر حاجة جابتها عيني سيدرا، وهي بصالي بنظرة مليانة حقد.

قصة رعب نفسي:- الحقيقة

فتحت عيوني بعد ساعات ببطئ وكنت شامة ريحة مستشفيات في الأرجاء ولقيت حواليا.

يوسف وأختي وبنتها وسيدرا.

زعقت في يوسف وانا مش قادرة أتكلم

_ليه عملت فيا وفي بنتي كده، ليه زورت موتها؟!

قالي بعييط : البنت ماتت إفهمي

وفجأة دخل الظباط وحطوا كلبشات في ايد سيدرا بعد ما عرفت إن العصير كان فيه سـم وجوز أختي تتبع مكاني ولحقني.

قولت للظباط بعدم فهم وبزعيق: ليه هتاخدوا بنتي سبوها أرجوكوا.

ولقيت جوز أختي قرب مني وقالي:-

_دي مش سيدرا دي روان بنتك وبتكون إخت سيدرا التوأم

بيكونوا توأم متطابق.

فتحت عيني من الصدمه وقولتله

-بنتي ازاي ده؟!

بصيت لأختي وهي بتعيط وبتبص للأرض وفي إيدها الكلبشات

كمل كلامه وقال:-

_ لما كنتي حامل كنتي حامل في توأم

ولما ولدتي رشت الدكتور وخدت بنت وأقنعوكي إن البنت التانيه ماتت.

بصيت بصدمه وقولت:بس ليه؟!

اختي قالت بدموع : اصل في واحده صاحبتي من محافظه تانيه كانت عقيمة وكان نفسها في طفل تفتخر بيه قدام حماتها اللي كانت بتعيرها في كل يوم

عملت نفسها حامل بالاتفاق مع جوزها وقبل ولادتها سافروا وقالوا إنها هتولد هناك وكانوا عايزين طفل

فزيفت موت بنتك التانيه

وفعلا الست ربت روان وفعلا عدا سنه ورا سنه وكبرت روان لكنها عرفت إن الست مش أمها الحقيقيه

وعلشان الست متقولش إنها خطفتك كذبت وقالت إنك رميتيها علشان تربي واحده بس.

وفعلا روان صدقت الكذبه وده لما كنت ببعتلها صورك وفيديوهات ليكي إنتِ وسيدرا وانت بتهتمي بيها.

ومن ساعتها والغيرة والحقد والكره ظهروا علي روان

مكنتش شايفه غير إنها عايزة تتتقم منك إنك رميتيها

وتنتقم من سيدرا علشان فكرت إنك اخترتي سيدرا وسيبتيها.

هربت من بيتها وسافرت هنا

وبدأت خطتها بقتل سيدرا

بس هي مقتلتهاش هي فضلت تهدت فيها وترعبها بإنها هتقتلتها وهتقتلك لغاية لما انتحرت

وفي مرة سيدرا شافت روان عند الدكتور النفسي ومشت وراها لحد لما عرفت إنها جيالي

وسمعت كل كلامنا.

بس انا كنت بحاول أقولها متإذهاش

وساعتها شوفناها ، إنها بتتنصت علينا وروان هدتها إنها لو قالتلك عليها هتقتلها.

ومنة بنتي كانت عارفه الحكايه وكانت عايزة تساعد سيدرا

لكن معرفتش.

ومعرفتش تعمل حاجه غير إنها تاخد الريكوردات اللي انا اخدها من سيدرا اللي هي فيها للتفاصيل المهمه وتبعتهالك من رقم غريب.

خلصت كلامها وانا فضلت أعيط

قد اي الحقيقه صعبة.

قولتلها بزعيق:كنت شيفاني وانا بموت علي موت بنتي في كل يوم وكنت إنتي السبب أنا عمري ماهسامحك علي اللي عملتيه ابدا

دينا وأختي إتسجنوا ولسا مستنيه قرار المحكمه

هما الاتنين ساهموا في إنتحار بنتي وسرقوها مني

وحتي لو روان بنتي لكنها قتلت إنسان برئ.

قصة رعب نفسي:- النهاية

روحت لسيدرا القبر

وكلمتها وقولتلها بعييط :أسفه إني كنت بسيبك لوحدك أسفه إني مكنتش بتكلم معاكي أو بسمعك سامحيني يابنتي، لو رجع بيا الزمن كنت هحتويكي.

تمت.

بقلم: رحمة حوالة