رحلة للشيخ الباتع
_ قولتلك أننا فقر يا أبني… أحنا نحس نحس …أقتنع بقى .
” يا عم حرام عليك.. طب تصدق بقى أنه محدش جايب لنا الفقر غير تشاؤمك ده.. بعدين أحنا حظنا وحش بس مش أكثر.. نحس أيه مش للدرجة، تف من بوقك”
_ اتفوووه … أهو تفيت … كده حلو ولا أتف تاني… لو ده هيحوش الفقر معنديش مشكلة، تقدر تقولي هنعمل أيه في مشكلتنا بقى .. الراجل عايز نص مليون جنيه ثمن العربية خلال اسبوع هنجيب الرقم ده ازاي …. يعني يوم ما ألاقي شغل كسواق في أول يوم العربية تعمل حادثة بسبب حمار وتدشدش”
” متقولش على نفسك حمار يا صلاح مهما حصل”
رحلة للشيخ الباتع
” على فكرة أنا بتكلم عن الحمار اللي كان قاعد جمب مني واللي بسببه عملنا الحادثة”
_ الله وأنا مالي بس يا ابو الصلح … من فرحتي مقدرتش أمسك نفي يا جدع … أخيرا عمي مات و المحكمة حكمت لي بورث أبويا اللي هيفك عقدي و مشاكلي.
” هأ .. هأ…هأ..هههههه… كان هيفك ..كان هيفك فعل ماضي مبني على خبيتنا يا حبيبي أنت ناسي أن أنت لسه دافعهم لصاحب العربية من ساعة بس في القسم على أمل أننا نرجع الباقي خلال اسبوع”
_ أنت عندك حق أحنا فعلا باين علينا فقر… فاكر لما جينا نتخرج أيه حصل؟
” السيشن غرق بالدفعة …هههه….. فاكر الدكتور عبدالرحيم وهو طالع يولي وبيقول الحقوني مش بعرف أعوم.. أنا مهندس طلعوني”
_ على أساس لو مش مهندس كان سابوه يغرق….
” طيب فاكر قعدنا قد أيه ندور على شغل بعدها… يا أخى دا أنا وانت الوحيدين من الدفعة اللي متجوزناش لدلوقتي … فاكر لما روحت تتقدم لهناء أيه حصل؟”
_ أيوه، البيت وقع عليهم بعد ما طلعت… الله يرحمها كانت بتقول لي أنا عمري ما هسيبك. خلي بالك طلعت مش قد كلمتها وسابتني، يلا الله يرحمها….
_ هي سابتك أنت بس دي سابت الدنيا بحالها هي وعلتها… شكلهم كلهم عائلة ملهاش كلمة.
طيب فاكر يوم فرحك على سعاد واللي حصلها في القاعة.
“أيوه متفكرنيش كان يوم جميل.. لولا بس هي اتهورت وهي بتاكل الجاتوه قامت الكرزايه واقفة في زورها… وقتها قالت مش هنقدر نكمل مع بعض، وقتها سألتها ليه يا سعاد، قالت لي أحنا فعلا مش هنعرف نكمل مع بعض أنت هتجيب خبري قبل ما أدخل يتك”
_ ههههه… طب ما هي عندها حق .. ثلاث عمليات وكسرين بس في فترة الخطوبة… بس متحطش في بالك ده مش دليل بردو ”
رحلة للشيخ الباتع
_يا راجل أومال لما ده مش دليل أيه اللي المفروض يكون دليل، نستنى بقى لما الكوكب يولع بينا علشان نتأكد يعني ولا أيه؟ ولا تقوم حرب عالمية تاكلنا كلنا.
“بقولك أيه يا صلاح مش يمكن معمول لنا عمل وأحنا منعرفش ما تيجي نروح لشيخ”
_ أهو الدجل والشعوذة دي هي اللي هتوديك في داهية.
” يا عم طب ما نجرب …نجرب أنت خسران حاجة… أنت عندك حاجة تخسرها؟ أنت خسران كل حاجة… أنا أعرف شيخ كويس أسمه سميح لفك السحر في سرعة الريح”
_ انت مصدق نفسك يا عم ما تهدي شوي.
” علشان خاطري يا صاحبي يلا نجرب … مش هنخسر حاجة .. خلينا نجرب أرجوك علشان خاطري”
_ خلاص أنا معاك يا سيدي علشان تبطل زن بس ويمكن نلاقي حل للنص أرنوب، بس قول لي في البداية الشيخ ده مكانه فين؟
“يعني مش بعيد … قريب كلها سكة سبع ساعات مثلا”
_ ربنا يرزقك بسبع متوحش يلففك وراه السبع لفات.
“ماشي يا سيدي بس خلي بالك دي مش دعوة علشان الموقف ده متوقع أوي أنه يحصل بما أننا نحس يعني ده في أحتمال أن السبع ياكلنا كمان”
رحلة للشيخ الباتع
وصل كل من الصديقين للقرية المنشودة في المحافظة المنشودة … لقرية المائة عبيط وقف سعيد وصالح يتطلعان لليافطة المكتوب عليها أسم الشيخ سميح لفك السحر بسرعة الريح…ضحك صالح وهو ينظر لسعيد وقال:
قرية المائة عبيط…. كده بقت قرية المائة واثنين عبيط …. وبعدين أيه اليفطة اللي الشيخ حاططها دي بعرض الشارع … هو فاكر نفسه بابلو اسكوبار.
” قولتلك دا شيخ بركة ومشهور”
_ دا أنت اللي بركة يا صاحبي … روح روح شوف حجز الكشف بكام وبعدين أيه الصف الطويل ده كله… كل الناس دي حظها وحش… ولا أنا اللي حظي وحش علشان كده الدنيا زحمة.
” قولت لك شيخ بركة ومشهور…دا شكلها هتحلو والنحس هيفك.
_يا أخي كانت بركت عليك وهي بتخلفك ولا كنت شوفت وشك نهائي،ولا اتقابلنا.
” استنى أروح أشوف الحجز بكام وأجي… وفر كلامك لحد ما نطلع من عند الشيخ”
رحلة للشيخ الباتع
تململ صالح وهو يدخل اللنشيخ بعد انتظار طال لوقت طويل حتى حل عليهم الليل فراح يقول:
_ يعني أدفع خمس مائة جنيه وكمان أنتظر سبع ساعات علشان أدخل الكشف؟ ليه يعني داخل لدكتور مجدي يعقوب ولا أيه ؟
تعالى يا ابني أدخل برجلك اليمين بدون ما تسأل كيف ومين؟ هتعرف مين اللي عملك السحر المتين….اوووووووو.
قالها الشيخ ثم راحت أبخرت النيران التي أمامه ترتفع عن الطبق الموضوع على الطاولة مقابله…نظر صلاح لسعيد في ضيق وقال:
” وهنحارب التنين وأي حاجة أخرها أين”
نظر الشيخ للشابان الواقفان أمامه وهو يقول: تعالى يا ابني أنت وهو متخافوش ومن النحس متتشائموش من النهارده ورايح كل النحس خلاص اتشال.
جحظت عينا صلاح وهو ينظر لسعيد وقال: ولا يا سعيد أنت قولت للراجل بتاع الكشف أي حاجة عن مشكلتنا؟
ابتسم سعيد وهو يقول: أبدا والله يا صلاح دا شكل الشيخ ده فعلا بركة.
اقترب الشابان ليجلسا وقد أنشرح صدرح كل منهم في النهاية سيينتهي البؤس، أقدم سعيد ليتحدث ولكن الشيخ رفع كفه وهو يقول ببسمة:
ما تتعبش نفسك وتحكي أي شيء كله مكتوب ومعلوم وأمامي مرسوم … النحس اللي معاكم خلاص اتفك وكل مشاكلكم كمان وعلشان الصدق يبان خمس ثواني وتيجي البشرى.
لم يكد الشيخ ينهي كلمته حتى رن هاتف صلاح والذي أجاب على مضض قبل أن ينشرح صدره وهو يغلق الهاتف بعد عدة جمل ثم يلتفت لسعيد وهو يقول: ولا يا سعيد فرجت يلا، الراجل صاحب العربية تنازل عن المحضر بعد ما شركة التأمين تكفلت بكل مصاريف التصليح.
ابتسم سعيد وهو يحتضن صلاح ويحمد الله ثم التفت للشيخ وهو يقول: الله أكبر عليك يا مولانا دا باين وشكبركة ومكشوف عنك الحجاب.
هز الشيخ رأسه بثقة وراح يشير للنيران ويقول : كل شيء مكتوب قدامي ..وبعرف كل شيء ولا يخفى علي شيء.
فجأة انفتح الباب على مصرعيه ودخل رجال الشرطة وألقوا القبض على الشيخ بتهمة الدجل والشعوذة وسط ذهول الجميع فيما عدا صلاح الذي راح يضحك بقوة والذي سأله سعيد عن سبب ضحكه بغضب فقال:
” الراجل العبيط شغال يقول من الصبح أنا بعرف كل شيء ومفيش حاجة بتخفى عليا…طيب ليه معرفش أن البوكس جاي ياخده وعمل حسابه وهرب ولا الحكومة مش ضمن الحسبة.”
ضحك سعيد بعدما أكتشف ما كان فيه من سذاجة …وقال: فعلا لا يعرف الغيب الا الله سبحانه… أستغفر الله العظيم.
صلاح: ما قولت لك الشعوذة والكفر ده لا يفيد… يلا بينا يا صديق.
بقلم/ آمنة محمد.
تابع اسكربت مجزرة بحر البقر من هنا
اكتشاف المزيد من عوالم من الخيال
اشترك للحصول على أحدث التدوينات المرسلة إلى بريدك الإلكتروني.
تحفة