أناقصة خيالية ممتعة، ومرعبة تدور الأحداث من وحي خيال الكاتبة، تدور الأحداث فيها حول الدمية “لابوبو”، وبعض الأحداث غير المتوقعة، والمعبرة، هل لابوبو السبب فيها؟ هذا ما سوف نعرفه.

قصة خيالية ممتعة “لابوبو”

قصة خيالية ممتعة “لابوبو” المشهد الأول.

أنا عُلا عندي 35 سنة، وٓدي بنتي ريتال فاضل كام يوم وِتكمل 10 سنين.

جاية أحكيلكم قصتي وِاللي بعضكم مُمكن مَيصدقهاش، بس جايّة أحذر مٓن دُمية أو بِمعنىٰ آخر لعنة! اسمها “لابوبو” اشتهرت في الفترة دي..

في الفترة الأخيرة اشتهرت الدُمية الغريبة “لابوبو” وِاللي مَكُنتش حابة فكرتها أصلًا، مِن أول ما شوفت اللعبة في الاعلانات حسيت بِالتشاؤم، دُمية كئيبة، شريرة، مَحطتهاش في بالي..

بَس أتفاجئت بِريتال بنتي بتقولي بعد كام يوم مِن ظهور الدُمية غريبة التطورات..
“يا ماما، أنا عاوزة كون زي صُحابي، كُلهم جابوا لابوبو، مَفيش غيري انا!”

قولتلها يا ريتال وِأنا مَبحبش أمشي ورا التريندات -غير تشاؤمي مِن اللعبة دي وِسعرها الغالي-:

“حاضر يا ريتال، بِاذن اللّٰه قريب وِهحاول أجيبهالك”
حضنتني بِحُب وِفرحة وِانا بدعي ربنا يحفظها..

المشهد الثاني

أنا كَأي أُم مِش حابة تشوف بنتها حاسّة بِالزعل أو إن في حاجة محتاجاها وسط صُحابها.

تاني يوم بِالصُدفة وِأنا بقلب في الفيس لقيت اعلان براند جديدة بتبيع اللعبة دي بِسعر بسيط جدًا وِاللون المُفضل لِبنتي “البنفسجي”.

ساعتها فرحت جدًا وِحسيت الاعلان كأنُه مُصمم ليّا مخصوص!

طلبت اللعبة بِسُرعة وِكان التوصيل خلال 4 أيام يعني مُمكن توصل يوم ذِكرىٰ ميلادها أو قبلها مش بِكتير.

مَقولتش لِريتال وِحبيت تكون مُفاجأة ليها في يوم ميلادها مع احتفالي البسيط أنا وِوالدها..

وِبالفعل يوم ميلادها الصُبح لقيت حد بيرن الجرس ع الباب، وِأول ما فتحت مَلقتش حد، بس لقيت بوكس صغير كان مكتوب عليه “لابوبو” .

استغربت جدًا بس قولت لعل عامل التوصيل يكون وراه شيء مُهم ومحطتش في بالي…

وديت ريتال عند جدتها، وِبدأت أجهز ليها أحتفال بسيط انا وِوالدها، تورتة، بلالين، اللعبة، وِكُل مُستلزمات يوم الميلاد العادية..

وِروحت جبت ريتال مِن عند جدتها، كُنت حساها حزينة ان حتىٰ مقولتش ليها “كل سنة وانتِ طيبة” ولا جبت ليها الهدية اللي بتتمناها…

للتعرف على المزيد عن قصص الرعب، وتطويرها على مر العصور من هنا روايات الرعب.

المشهد الثالث قصة خيالية ممتعة “لابوبو”

المشهد الثالث من قصة خيالية ممتعة “لابوبو”.

بس أول ما وصلنا البيت اتغير كُل شيء.

شوفت الفرحة في عيون ريتال فعلًا، وِهِيَ بتتنطط مِن الفرحة وِمِش مصدقة، وِشكرتنا جدًا.

وِعدّىٰ اليوم في جَو عائلي بسيط..

بَس مِن ساعة ما الدُمية دخلت البيت وِريتال بتقضي كُل وقتها في اوضتها مع اللعبة.

وِبدأت تحصل مشاكل وِحاجات غريبة أوي في البيت ع عكس العادة!

وِفي يوم وِأنا قايمة في نص الليل اتفاجئت بِـ….

يُتبع
#ميرنا_عبدالرحيم
#اسكريبت_أو_يُعتبر_قصة_قصيرة

نرجو أن تكون قصة خيالية ممتعة “لابوبو” نالت إعجابكم، للاطلاع على المزيد من الروايات، والقصص المشوقة، تفضل بزيارة موقعنا عوالم من الخيال.

فلدينا مجموعة من القصص، والروايات الممتعة، والشيقة لعدد من الكتاب العرب الشباب تأخذك إلى عالم آخر؛ حيث الإثارة، والتشويق.