قصة رومانسية حزينة(خائن الثقة) الأخير

قصة رومانسية حزينة (خائن الثقة) للكاتبة/ مريم الجنيدي.

المشهد الأول (قصة رومانسية حزينة )

وصلت عنده السكن إللي هو قاعد فيه، و طلعت و قولت مش عارفة ممكن أعمل أي، بس طلعت الفون عشان أصور رد فعله

وصلت لشقته و رنيت الجرس و أنا ببتسم بسعادة، فاجأة عالمي كله انقلب لما واحدة غريبة أجنبية فتحت ليا…
كنت مصدومة فكرت إن جيت في مكان غلط، أو دي الشقة الغلط كنت لسه هعتذر، بس اتصدمت أكتر لما لقيت يوسف جوزي خارج من وراها و بيقوها
_مين يا حبيبتي

مستوعبتش الكلمة، أو استوعبتها بس ماكنتش مصدقة إنها خرجت من جوزي، دا صوته و شكله… هو أنا مش بتوهم

كنت ببص ليه مش مصدقة خمس سنين من حياتي شيفاهم بينهاروا

و هو لما شافني وشه جاب ألوان فكرت هيبرر، هيقول حاجة تخمد الحريق اللي في قلبي
لكن المفاجأة لقيته بيقولي

_جبتي هنا إزاي؟ وصلتي لواحدك؟

هو دا بجد! هو إللي بسمعة حقيقي!

_ أنت بتقول أي!! مين دي! مين دي يا يوسف ؟

سكت شوية مش عارف يقول أي
_ رد عليا مين دي يا يوسف، رد عليا!!

زعق فاجأة
_ مراتي يا عليا، دي مراتي ارتاحتي

 

المشهد الثاني (قصة رومانسية حزينة)

تتوالى أحداث قصة خائن الثقة قصة رومانسية حزينة في إطار تشويقي بعد اكتشاف الصدمة

هزيت راسي و أنا بحاول استوعب لي! أنا قصرت في اي! طب لي اتجوزني

_ اتجوزت عليا! لي عملت كدا؟

لقيتها ردت هي عليا بعربي مكسر
_لا أنا الأولى، أنتِ اتجوزك عليا

سمعت صوت قلبي بيتكسر
_ لي! طب و أنا! أنا يا يوسف اتجوزتني لي! ضيعت حياتي لي! لما أنت متجوز و عايش هنا و مستقر، لي دمرت حياتي! لي خلتني اعيش خمس سنين في وحدة كل يوم بستناك تنزل، لي تعمل كدا! رد

مسح على وشه بتوتر
_ادخلي يا عليا خلينا نتكلم طيب
_هنتكلم نقول أي! أنا مش عايزة غير رد واحد، مش عايزة أعرف أي!!

 

المشهد الثالث (الحقيقة )

كانت صدمة عليا شديدة في قصة خائن الثقة، وهي قصة رومانسية حزينة

بص في الأرض
_كنت عايز أرضي أهلي، كانوا مصرين اتجوز في مصر و استقر، مش هيتقبلوا فكرة إن متجوز هنا، عشان كدا سمعت كلامهم و اتجوزت هناك، ماكنتش عايز ابوظ حياتي هنا، و في نفس الوقت أرضي أهلي

_ترضي أهلك و تدمر حياتي أنا بقا صح! تخليني أشوفك خمس مرات بس في خمس سنين، عايشة لواحدي ولا كأن متحوزة، ولا راضي تيجي ولا راضي اجيلك، ولو ماكنتش جيت و سافرت ليك كنت هفضل مخدوعة، كنت هفضل مغفلة، كنت هفضل لواحدي عشان خاطر شخص اناني زيك

_ اسمعيني يا عليا
_ مش عايزة اسمعك، ولا عايزة أشوفك تاني، أنت إللي هتسمع كويس، أنت هتطلقني أنا مش هكمل مع واحد اناني زيك ميهموش غير نفسه، أنا هشوف حياتي أنا من حقي ابقى في أسرة مستقرة مع زوج يحبني، هتطلقني و تديني كل حقوقي

_ عليا اروجوكِ اسمعيني اهلي ممكن يحصلهم حاجة

_ هما هيحصلهم فعلًا لو أنت مطلقتنيش هنزلهم و اقولهم أنت عامل أي و متجوز و شكلك مخلف و مخبي عليهم، والله يا يوسف لو فكرت تعترض على أي حاجة من حقوقي أو المؤخر بتاعي لهفضحك

_ يا عليا بلاش تدمري حياتنا كدا
_ ادمر حياتنا! أنت مسمي دي حياة أصلًا، مسمي دي عيشة! أنت إزاي مقرف و مش شايف نفسك، أنت بشع أنا ندمانة على اليوم إللي وافقت اتجوزك فيه

شديت شنطتي و مشيت ماكنتش قادرة ابص في وشه، بفكر لي يعمل كدا، لي حد يبقى أناني بالشكل دا

روحت المطار و فضلت قاعدة فيه لتاني يوم لحد ما لقيت رحلة
عمري ما هنسى قهرة قلبي و بهدلتي بسببه دي

 

المشهد الثالث (حياة جديدة)

حياة جديدة في حياة عليا بطلة قصة رومانسية حزينة خائن الثقة بشكل غير متوقع

عدت الأيام و بالفعل نزل و أطلقنا كان فاكر إني هسكت بس أول ما أخدت حقوقي قولت كل حاجة حصلت، مش هبقى أنا الشخص السئ في الحكاية، مش هيبقى الظالمة و أنا المظلومة إللي مداس عليها

مر سنة كنت بتعافى من إللي حصل، اشتغلت و موقفتش حياتي، مع إن من جوايا كنت بموت، بس مبينتش دا ماكنتش عايزة أوجع قلب أهلي، واجهت كل حاجة لواحدي، واجهت نتيجة اختيار غلط، و تسرع لواحدي، يعاني بصمت، ماكنتش عايزة أعرف أي حاجة عنه، كل الحبال اتقطعت، آخر حاجة بس عرفتها إن حصل مشاكل كتير أوي مع أهله، و أهله قطعوه بسبب إللي عمله فيا، و أنه متجوز و مخلف في الغربة من وراهم، كنت حاسه إن دا برد نار قلبي شوية، بس قولت أركز على حياتي أنا أفيد

المشهد الأخير (رجل جديد)

نبدأ فصل في حياة عليا بطلة قصة رومانسية حزينة خائن الثقة بشكل مذهل

كان في واحد معايا في الشغل بيتمنى بس إني أكلمه، كان مطلق هو كمان، كان بيحاول يقرب مني، بس كنت في الأول بصد أي محاولة لي، رافضة فكرة إن راجل يدخل حياتي تاني
و بعد محاولات كتيرة، فاتحني في موضوع الجواز، و قال إنه عايز الموضوع بشكل رسمي و جدي، كنت خايفة أوي، بس هو كان حنين، كان بيطمني في كل وقت خايفة فيه، كان موجود على طول عشاني، كان بيقدم كل حاجة لقلبي الخايف

كنت مترددة بس لقيته إنسان محترم جدًا، مقدرتش أرفض أكتر من كدا، أنا كنت محتاجة حد جنبي، حد يحبني و يحتويني

وافقت و اتجوزت، و ربنا عوضني عن كسرة قلبي،  بإنسان عمري ما تخيلت إن ممكن اقابل زيه، إنسان حقيقي رائع، يتمنى الرضا ليا، الحمد لله، قلبي إللي اتكسر في يوم، دلوقتي مش شايف غير كل الحلو مع شخص بيقدرني و بيحترمني و مش عايز يبعد عني ثانية
عشان كدا عرفت …. أن بعد العسر يسر

_مريم الجنيدي

انتهت قصة رومانسية حزينة خائن الثقة.

للمزيد من القصص الممتعة، تايع منصة عوالم من الخيال.

ويمكنك متابعتنا على الفيسبوك على صفحتنا الرئيسية عوالم من الخيال.