قصة رومانسية حزينة (خائن الثقة)

المشهد الأول (قصة رومانسية حزينة)

كنت مستعدة أقبل أي حاجة، إلا إن أعرف إن جوزي متجوز عليا!!

أنا اتجوزت من خمس سنين و جوزي مغترب، بينزل شهر في السنة، كنت متجوزة على أساس هيعمل ليا أوراقي و ياخدني معاه، لكن سنة ورا سنة مفيش جديد، كل ما أتكلم يقولي الحال مش أحسن حاجة، كنت بسكت و بعدي أيامي، العيشة لواحدي كانت صعبة، كأن مش متجوزة، طلبات البيت أنا إللي بقضيها، العيشة لواحدي كانت مملة، و ندمت إن أخدت القرار دا ووافقت منغير ما افكر كويس
قررت أتكلم معاه و نشوف حل

_يوسف عايزة اتكلم معاك في موضوع
_عليا مش فاضي دلوقتي، ممكن تأجل الموضوع
_ لحد امتى هنأجله! أنا بقالي خمس سنين بأجله، هنتكلم دلوقتي يا يوسف
_عايزة أي يا عليا بجد؟!

_عايزة أعرف مصيري أي! هتنزل ولا هتكمل عندك، هجيلك ولا هعيش في السجن الإجباري دا مدى الحياة!

_ أي الكلام الغريب دا يا عليا، لي بتقولي كدا دلوقتي!؟
_ عشان مش عارفة استقر كدا يا بوسف، أنا حاسة إن مش متجوزة، بس اشوفك شهر في السنة، يا إما تنزل تستقر هنا، يا اما اجيلك

_مش هينفع يا عليا مش هينفع
_ دا آخر كلام يا يوسف، شوف حل عشان متصرفش تصرف مش هيعجبك
_بلاش تهدديني يا عليا أحسن لك
_ أنا قولت إللي عندي

 

المشهد الثاني (قرار مصيري)

تتوالى أحداث قصة رومانسية حزينة (خائن الثقة)

قفلت المكالمة و كنت مش مستريحة، بغلي من جوايا و عايزة أعرف هيعمل أي، بس قولت مش هسيب نفسي لدماغي، لازم يعرف إن المرة دي غير اي مرة

و بالفعل عملت حاجة ماكنتش أتخيل إن أعملها
حجزت تذكرة سفر و قررت إن أروح تفاجأه و أشوف رد فعله، كنت عارفة هو ساكن فين، الموضوع ماكنش صعب، ماقولتش لأي حد إن هروح

مش عارفة إللي عملته صح ولا غلط، بس قولت يمكن دا يحسن من علاقتنا، و يقربنا من بعض أكتر، اتحمست أكتر و أنا بفكر إنه هيفرح قد أي لما يشوفني

 

المشهد الثالث و الاخير من الجزء الاول

المشهد المشوق من قصة رومانسية حزينة (خائن الثقة)

 

وصلت عنده السكن إللي هو قاعد فيه، و طلعت و قولت مش عارفة ممكن أعمل أي، بس طلعت الفون عشان أصور رد فعله
وصلت لشقته و رنيت الجرس و أنا ببتسم بسعادة، فاجأة عالمي كله انقلب لما واحدة غريبة أجنبية فتحت ليا…
كنت مصدومة فكرت إن جيت في مكان غلط، أو دي الشقة الغلط كنت لسه هعتذر، بس اتصدمت أكتر لما لقيت يوسف جوزي خارج من وراها و بيقوها
_مين يا حبيبتي

 

نهاية الجزء الأول من قصة حزينة رومانسية

يتبع

_مريم الجنيدي

 

 

 

 

 

 

_يتبع
_مريم الجنيدي

انتظروا الجزء الثاني من قصة رومانسية حزينة “خائن الثقة” على موقعنا عوالم من الخيال.

تابع كل ما هو جديد عن عوالم من الخيال عبر صفحتنا على الفيسبوك.