جميع الحقوق مَحفوظة للكاتِبة مَلك إبراهيم وأي إقتباس أو إعادة نَشر دونَ أخذ الموافقة يُعرِض صاحبهُ للمُسألة القانونيه.
قصة قصيرة رومانسيه أكشن
المشهد الاول:-الورد للورد
_خُدي يا مِسك الوَرد دا قَبل ما أُمِك تشوفني بسُرعة.
بصِت ليه مِسك وهيَ بتاخد الورد وبتضحك وبتقول:-
=أه إنتَ هتقولي دي بتحِبك حُب مَلهوش مَثيل.
_أيوه بأمارة ما هيَ رفضاني لحد دلوقتي50مرة بالضبط، يعني مِش عارِف إي كمية الحُب دي، إن مكُنتش جارك من 13سنة ومِن صُغرنا مَعّ بعض كانت هتعمِل إي.
=مَعلِش يا ياسر ما هيَ برضو يمكِن خايفة عليا، إنتَ عارِف إن من بعد موت بابا هيَ الام والاب بالنسبالي، ومعندهاش غيري هنعمِل إيه بقى.
_ماشي يا مِسك بَس بَرضو مينفعش إللي هيَ بتعمِله دا، أنا أيوه بحاوِل بس أنا وأهلي هيجي علينا يوم وهنكتفي بالمحاولات دي، ما 50مرة صعب للأمانه.
=حبيبي واثقه فيه إنه هيحاول للمرة الـ51عادي جدًا، وبعدين مفيش حاجة تفوت عليك يا ياسر.
ياسِر كان لِسه هيتكلم بس إللي قاطعه صوت والدة مِسك من جوا بتناديها، بصِت ليه مِسك وهيَ بتقوله بيأس:-
_أنا هدخل علشان لو قفشتنا هتخلينا عِبرة للحارة كلها إنهارده.
=هشوفك بكره في الكُلية؟!.
_أه طبعًا، سلام دلوقتي.
•••••
قصة قصيرة رومانسيه أكشن
المشهد الثاني:-راجل نص كم.
نازلة مِتأخرة كالعادة، مفيش مرة أحضر أول محاضره، طب أروح لـ تالين بدري، طب حتىٰ الحق محل السوري قبل ما يكون زحمة، فاشله في كُل حاجه، وقفت تفكير بكُل إللي بتقوله علىٰ صوت هيَ مكنتش حابة تبدأ يومها بيه وكان من واحد بيقول:-
_مِسك.
وقفت وبصِت وراها علشان تشوفه، وردت عليه وهيَ بتقول:-
=نَعم يا عطوة إتفضل.
_يا سِت البنات وست الحارة كُلها، يعني متقدملِك من وإنتِ عندك تسعتاشر سنة ودلوقتي بقى عدى سنتين ولسه موافقتيش، يعني دا أنا حتى مش متعلم أه بس عندي محل جزارة يقدر يعيشك مَلِكة.
رفعت حاجبها ليه وهي بتقوله
بسُخرية وكانت بتشاور عليه:-
_بكِرشَك دا.
=طب ليه الغلط دا بس يا ست البنات، بصي يا مازمزيل روحتي جيتي إنتِ هَتكوني ليا.
_ماشي يا حج متولي، ما إنتَ متجوز تلاته وعاوز تزودهم، واحد ولا كإنهم بهايم من اللي بتدبحهم روح وإنتَ شبه الجاموسه كِدة.
ومشيت وهيَ بتتريق عليه، ومن بعيد بس مش أوي كان ياسِر شايفهم من بعيد، والشرار كان طالع من عينيه حرفيًا، ومشي وهو بيتوعد لِعطوة بعد الحِوار إللي سمعه ما بينهم.
•••••
قصة قصيرة رومانسيه أكشن
المشهد الثالث:-كلية ومشكلة جديدة.
_إتأخرتي ليه يا مِسك؟!.
=مَعلِش يا تالين واللهِ صحيت متأخر والزفـ.ـت إللي إسمه عطوة دا وقفني، معرفش ذنبي إي أصطبح بيه في يومي كدة.
_طب يالا علشان المُحاضرة.
=إلا الجميل رايح فين.
_لو سَمَحت إبعد، كِدة مينفعش.
=ليه بس يا جَميل دا حتىٰ بيقولوا عنك سهله في التعامُـ….
مكمِلش كلامه بسبب ياسِر إللي هجم عليه فجأة وقعد يضرب فيه بشكل خلىٰ مِسك وتالين يكونوا مفزوعين أوي.
_إيه إللي بيحصل دا، كُلكم على مكتب العميد دلوقتي حالًا.
••••••
قصة قصيرة رومانسيه أكشن
المشهد الرابع:-فصل أسبوع
=ياسر سيبني في حالي دلوقتي علشان إنتَ السبب في إني أخد فصل إسبوع، مَلكش دعوة بيا.
_كل دا علشان كنت بدافع عنك، تمام يا مِسك.
وجت علشان تمشي وفجأة سِمعِت صوت عربية جاي من بعيد ولما بصِت وراها لقِت ياسر وهو بيطير من آثر الخبطة، محسِتش غير وهيَ بتعلي صوتها وبتقول:-
_ياســـــــــــــــــــــــر.
_إنتَ كويس؟!.
=أه، حاسِس إن دراعي واجعني شوية.
_مِسك وديه المُستشفىٰ وأنا هكمل المحاضرات وهكلمك لما أروح وأبعتلك باقي المحاضرات بالمره.
_خلاص، يالا بينا علىٰ المُستشفىٰ دلوقتي حالًا.
وخلال ما كانت بتحاول تقومه، وهيَ مستغربة إزاي الخبطه دي كُلها مأثرتش فيه غير في دراعه شافت مين كان في العربيه، وإتفاجأت إنه كان نفس الشاب إللي عاكِسها وبسببه أخدت فَصل، شافت في عينيه نظرات الحِقد والشماته، ولكِنها أخدت ياسر ومشيوا ناحية العربية بتاعته ودخلته جواها وركبت وإتحركت بيها علىٰ أعلىٰ سُرعة من المكان قبل ما ياسر يشوف مين إللي خبطه.
••••••
قصة قصيرة رومانسيه أكشن
المشهد الخامس:-كسر بدون قصد.
_متقلقوش دا كسر بسيط، مش هيتطول معاه في الإلتئام، المهم إنه هيتجبس علشان يخف علىٰ طول.
=ماشي يا دكتور، يتجبس المُهِم يكون بخير.
بدأ الدكتور والمُمرضة بتساعده إنهم يجبسوا دراع ياسِر، وهو قاعد بيبص لِمسك ولكن علامات وشه مكانش فيها حاجه غير الهدوء، وبدأ يتكلِم وبهدوء:-
_كلمي والدتك إنهارده إني جاي أنا وعيلتي نتقدم للمرة الـ51علشان نخلص.
=وجاي علىٰ نفسك أوي كدة ليه؟! متجيش أحسن.
_إنتِ قد الكلام دا يا مِسك! يعني بعد كم المحاولات دي بتقوليلي متجيش؟! خلي بالك الراجل مفيهوش غير كرامة ولو حسيت إني كدة بتهان مش هاجي فعلًا وهنساكِ.
=ياه، وقدِرت تقولها يا ياسِر، هتنساني؟! تمام يا ياسِر إنساني ما أنا ديمًا بالنسبالك منسيه.
ومشيت قبل ما الدكتور يخلص حتىٰ، مسح ياسر وشه بعصبيه من إللي بيحصل شايف إنها غبيـ.ـه مش فهماه، فاق من تفكيره علىٰ صوت الدكتور وهو، بيطبطب عليه وبيقوله بهدوء:-
_أنا خلصت، حاول علشانها يابني، وبلاش العِند بتاعكم دا ومتزعلش إني بتدخل بس أديني بديك نصيحه هتنفعك، وبدون ما أعرفها بلاش تخسرها.
••••••
قصة قصيرة رومانسيه أكشن
المشهد السادس:-قاتل في بيتي.
_ماما أنا رِجعت، ماما إنتِ فين؟!.
=إنتَ مين؟!!.
_فاكرة إن لما تفرجي عليا الكُليه كلها وتخليني أخد فصل بسببك هسيبك في حالك لا، دا أنا إبن شوارِع وتربية مقالِب الزِبالـ.ـه، لما أخلص علىٰ أمِك دلوقتي هتعرفي إن جمال النويري مش بيسيب حقه.
=إستهدىٰ بالله ياعم كدة وخلينا نقعد نتفاهم دا حتىٰ إنتَ في بيتنا وإكرام الضيف واجِب برضو.
_واجِب! وضيف؟! أنا ماسِك سكينـ.ـه وأمك وبهـ.ـددك لو مش واخدة بالك يَعني.
=لا واخدة بالي وواخدة بالي من إللي هيحصلك دلوقتي،
واحد،
إتنين،
تلاته،
هوب،
كان بيبص ليها بإستغراب، ولكِن فهم لما حس بضربة كبيرة علىٰ راسه من ورا ووقع في ساعتها، وظهرت من وراه تالين إللي روحت قبل مِسك علشان حست بتعب وقالت تروح علىٰ بيتها تقعد معاها شوية بس هو محسش بيها لإن والدة مِسك كانت في المطبخ، وتالين كانت في الاوضه وملهاش أي صوت، نرحع للحكاية وإن مِسك قالت:-
_عليكِ ضربة حكاية، أربطي الشبشب دا لحد ما ياسِر جاري يجي هو الوحيد إللي هيعرف يتعامل معاه.
وبصِت ناحية أمها وقالتلها:-
_ماما ياسِر جاي إنهارده يتقدِم للمرة إللي مش عارفه عددها، وبالمره يشوف البتاعة دا.
=يادي ياسِر وسنين ياسِر، واللهِ حاسة إنه السبب في وجود الشخص دا، قولتلك إبعدي عنه يا مِسك دا مش هيجي من وراه غير المصايب.
_ماما بعد إذنك ياسِر كان بيدافع عني ودا كان بيحاول يعاكسني، بس معرفش إي طاقة الإجـ.ـرام الغريبة إللي جواه دي، دا أخد فصل أمال لو كان إترفد كان هيعمل معانا إيه، وإزاي توصل إنه يحاول يقتلـ.ـك.
=أهو شوفتي كان فاضي قال يروح يخلص عليا.
_وات إيڤر، هنعرف كل حاجه لما يكي ياسِر والحيـ.ـوان دا يفوق.
_إيدك معايا يا تالين دا تقيل أوي.
•••••
قصة قصيرة رومانسيه أكشن
المشهد السابع:-كان هيقتل ماما بس!.
_إيه إللي جاب دا هِنا؟!.
=أهدى كان جاي يقتِـ.ـل أمي بس.
_نعم؟!.
=عمو، طنط، عاملين إيه وحشتوني بجد.
_كلميني هِنا، إي إللي حصل.
=مَفيش دخلت لقيته ماسك سكيـ.ـنه وماسك أمي، قامت تالين ربنا يحرسها قامت بطحته علىٰ راسه.
_تمام.
وبص ناحية والدة مِسك وبدأ يكلمها ويقول:-
_يا حماتي، أنا جاي أطلب إيد بنت حضرتك العاقله، الراسيه، الهادية، وأنا ماشي هاخد البتاع دا في إيدي وهيتأدب إنه رفع إيديه بس ولمسك بس، هتوافقي ولالا.
=لا، وهتاخده معاك برضو.
_تمام، كدة يا مِسك أنا عملت إللي عليا، ودي أخِر مرة هكون جيت فيها.
مشي ناحية خالِد اللي كان لسه مفاقش وسحبه بالكرسي إللي مربوط عليه وبص لوالده ووالدته بمعنى إنهم يخرجوا قصاده، مِسك وتالين كانوا واقفين مذهولين من إللي بيحصل، ولما مشيوا مِسك بصت لوالدتها وقالت ليها:-
_أنا قدرت كتير إني بنتك الوحيدة وإن ملكيش غيري، بس لحد هِنا وإنك للمرة إللي محسبتلهاش ولا عارفه عددها ترفضيه هقولك إنك أنانيه يا ماما وأنانيه أوي، مش عاوزة حد يجي ورايا.
•••••
قصة قصيرة رومانسيه أكشن
المشهد الثامن:-علقة موت.
_عملت إيه مع الواد خالد.
=أخد علقة موت ومشيته.
_طب المهم، إحنا صحاب من وقت ما عرفتك في الكلية من سنتين، تعالى هحكيلك موضوع مهم.
_إنتَ إتجننت يا أسر عاوزني أشتغل تاجـ.ـر مخـ.ـدرات!.
_زي ما قولتِلَك خالد النويري أصلًا شغال في المُخـ.ـدرات ودا كان سبب رد فعله مع مِسك لما كان عاوز يقتـ.ـل أُمها، لإنه سفـ.ـاح أصلًا ومحدِش قادِر عليه، فَـ قولت إنك تشتغل معاه شهرين كدة وتكون مبلغ حِلو علىٰ الاقل لما تتقدم لوالدة مِسك تقدر تغريها بالفلوس.
=أغريها بالفلوس؟ وأتحمل ذنب ناس في رقبتي بسبب السِـ.ـم إللي هبيعه؟!.
_بلاش الضمير الزيادة دا يا ياسِر فوق لنفسك إنت عايش في حارة شعبيه يعني مستواك المادي مش قد كِدة، فَـ قولت أساعدك.
=وجهة نَظر بس تمام أنا موافِق.
•••••
قصة قصيرة رومانسيه أكشن
المشهد التاسع:-بياع مخدرات.
_الحتة بـ200ج.
=خُد وهات بقىٰ.
_تمام إتفضل.
إداله الحاجه ومشي من قصاده وقِف ورا شجرة في الكُليه وبدأ يعد الفلوس إللي معاه ويشوف حصيلة اليوم، بس لما رفع عينه لقىٰ قصاده مِسك، ملامحه كانت باردة جدًا وهو بيقولها:-
_خير، إتفضلي.
_بقيت بتبيع مُخـ.ـدرات يا ياسِر، تختلِف إنتَ إيه عن غيرك! مشيت ورا خالد النويري وبقيت دلدول ليه، ولا ليك أي أهميـ….
مكملتش كلامها بسبب القَلم إللي أخدته علىٰ وشها، بصِت ليه وهي مش مصدقة، وقالت:-
_بتضربني! بتضربني علشان بقولك الحقيقة! يخسارة حُبي ليك يا خسارة من إنهارده ملكش علاقة بيا إنتَ موت بالنسبالي، مش من دلوقتي من وقت ما سيبتني ومشيت، مشيت وأنا محتاجة ليك ومليش غيرك.
ومشيت من قصاده، ومفيش علىٰ وشه غير علامات البرود، متحركش ولو لدقيقة، منتبهش غير وأسر جه وبيقوله:-
_إنهارده عندنا تسليم شُحنة هتنقلنا في حتة تانيه.
=تمام الساعة كام؟.
_الساعة10بالليل على طريق إسكندرية الصحراوي تكون هناك بالوقت دا.
=تمام يا أسر.
ومشي ياسِر أول ما قاله كدة علشان يستعد.
•••••
قصة قصيرة رومانسيه أكشن
المشهد العاشر:-بدونه.
_ليه عملتِ كدة يا مِسك؟!.
=علشان دا كان إللي المفروض يتعمِل، شَخص سابني بدون ما يقولي حتىٰ السبب عدى لحد دلوقتي إسبوع ويوم يا تالين مشي وسابني بدون ما يقولي ليه، مبعرفش أنام الليل، مش عارفه أكل ولا أشرب، تخيلي كنت داخله قبلها في الشهر مسمعتش صوته ولا حتىٰ شوفته، قدِر إزاي يبعد عني بالشكل دا، قِدر إنه يأذيني، وهو كان بيحبني أمال لو مكنش كان هيعمل أي تاني.
_متظلميهوش يا مِسك.
=مظلمهوش! أه صح، مش هظلمه، هطلع أنا المظلومة ديمًا، هي حياتي كدة.
_إهدي بس وكل حاجه هتتحل، ربك كبير.
=تتحل أيوه، يرجع لا مبقتش محتاجاه.
•••••
قصة قصيرة رومانسيه أكشن
المشهد الحادي عشر:-شحنة الندامه.
_الساعة10، الناس قربت تيجي هنسَلِم الشُنحة وناخد الفلوس وتاخدوا نسبتكم وقتها.
=بس غريبة يا خالد باشا إنك مشغل معاك ياسِر إللي ولامؤخذه علِم عليك.
_ودي حاجة تفوتني اصبُر إنتَ بس.
وفعلًا الرجاله وصلت بس وهما بيعاينوا البضاعة خالد طلع سـ.ـلاح من ضهره وهو بيوجهه مباشرةً لياسِر وبيقول:-
_الإنسان بيعمل حاجات كتير غلط في حياته، بس أنا هعمل حاجه صح دلوقتي.
=وهي إيه يا خالد.
_هقتـ.ـلك بسيطة.
وفجأة صوت الرصـ.ـاص بقى في كُل حتة ولكن خالد فجأة لقىٰ نفسه تحت إيد الشرطة، وياسِر واقِف يبصله بلامبالاه وهو بيقول بخبث:-
_بعد كدة فكر الأول إللي هيشتغل معاك دا نضيف ولا من عينتك، نهايتك بقت مكتوبة خلاص وأنا إللي كتبتها ليك يالا ياعم إتسجلت في التاريخ.
فضل ياسر يبص ليه بإنتصار حقيقي، وفي بداية التحقيقات خالد وآسر تم حبسهم15يوم على ذمة القضية.
•••••••
قصة قصيرة رومانسيه أكشن
المشهد الثاني عشر:-نهاية سعيدة.
وبعد مرور سنة كاملة….
_وبعدين معاكِ يا مِسك إنتِ وأمك!.
=مدخل ماما في كل حاجه عارف لو صباع رجلك الصغير إتخبط في رجل الكرسي هتقول ماما.
_الست عوزانا نسمي المولودة علىٰ إسمها، أسمي جمالات إزاي أنا إقنعيني.
=وماله إسم ماما يا إبن فتحيه!.
_ملهوش لكن هسمي بنتي على مزاجي ولا إمي ولا أمك وكدة خالصين.
=طب وأنا مش هولِد، ولا هتشوفها.
_يهطلة دا إنتِ داخله العمليات كمان كام ساعة.
=ياسر حاسه بضغط غريب، فيه حاجه بتتحرك شكلي هولد.
بصلها بسعادة كبيرة وهو بيقوم من علىٰ الكرسي وبيجري برا الاوضه وهو بيقول:-
_يا ما أنت كريم يا رب يا دكتــــــــــــــــور.
وبالفعل الدكاترة أخدوها وفي طريقهم بالممر لغرفة العمليات، كانت ماسكه إيده وهي بتقول:-
_أوعى تاخد البنت وتمشي وأنا نايمه.
=متخافيش يا حبيبتي هاخدها وإنتِ صاحيه بس قومي لينا بالسلامة.
_كلم ماما تيجي ليا وكان فيه علبة رز بلبن في التلاجة إيدك متجيش عليها يا ياسر غزك فيها.
=حاضر يا حبيبتي ربنا يشفيكِ في مخك.
_بحبك.
=وأنا بعشقك إنتِ وبنوتتنا♡.
قصة قصيرة رومانسيه أكشن
تمّت بحمد الله.
ڪ/ملك إبراهيم
لقراءة قصة قصيرة
