رواية رحلة فيروز
رواية عن الغربة والعودة إلى الوطن: الفصل الرابع.
وقف أمام منزلها للمرة الخامسة بحلته البرتقالية وهو يحمل في يده علبة بيضاء اللون وضع بداخلها عدة قطع من حلوى المشبك الدمياطي الشهير وعن يمينه وقف سعيد التعبان صديقه الصدوق وعن شماله هبَّت أدخنة كثيرة فجأة فألتفت في غضب وهو يقول لعصام مزيكا صديقه الآخر وقال:
_ أيه يا عم مزيكا .. أنت عايز أبوها يرفضنا من قبل ما ندخل ولا أيه طب أستنى لما ندخل مش كده يعني يا جدعان أقفي في ظهري.
نظر له الإثنين نظرة بلاهة ثم تراجعا للوقوف خلفه، ليلتفت لهم متعجبًا وهو يقول : أنتم بتعملوا أيه؟ وواقفين ورايا كده ليه؟
ضحك سعيد بقوة وهو يزيح عن وجهه أثر الدخان المتصاعد من سيجار صديقه المدعو مزيكا قائلًا: بنقف في ظهرك يا رياسة.
لطم خده بقوة ثم ناول الأخير العلبة التي بيده بهدوء قبل أن يمد يده داخل جيب جاكته صارخة اللون كبرتقالة في موسم الشتاء مخرجًا مدية حادة مشيرًا بها في وجه الشابين وهو يقول بغضب إعتلى وجهه وصوت إنخفض مستواه حتى لا يسمع سكان البيت بالداخل جداله وهو يقول: يعني لما أقتل واحد فيكم دلوقتي يقولا زينة شباب الحار إتجنن أمام منزل كريمة حياته، أعقل منك له وأنت أرمي السيجارة دي.
رواية عن الغربة والعودة إلى الوطن: المشهد الأول.
إعتدل الشابان بعد تهديد الأخير، بينما نظر مزيكا للسيجار التي بيده قبل أن يلقيها وهو يقول: بس دي غالية يا رياسة .. مش معقول هرميها كده خسارة.
حكَّ حوكشة رأسه بمديته وهو يقول بتفكير: طيب خلاص أطفيها ونبقى نخمس فيها بعدين.. عايزين نفوق علشان ربنا يكرمنا… إتعدلوا بقى علشان أرن الجرس.
ضغطة واحدة على زر الجرس كانت كفيلة بأن يفتح رب الأسرة الباب ليتطلع لوجوه الواقفين بداية بتعجب قبل أن تتغير ملامحة لمقت شديد حينما أرتدى نظارته وأدك من هم الواقفين … ليظفر بضيق من جديد وهو يقول: أستغفر الله العظيم من كل ذنب عظيم أمسينا وأمسى الملك لله .. يا رب المساء نجينا من شر المساء.
قطعه حوكشة الذي يقف وعلى وجهه إبتسامة بلهاء وهو يقول: جمعًا يا عمي .. عقبال ما تصلي في الحرم.
لم يرد الرجل الكبير على كلامه الغير منطقي فقال: خير يا بهوات أساعدكم إزاي؟ نعم؟
أصوات ضحكات متقطعة خرجت عالية من حنجرة مزيكا الواقف بالخلف ممسكًا بعلبة الحلوى وهو يبعد زراع الرجل الكبير عن باب بيته دافعًا إياه ببطي، مشيرًا لصديقيه بالدخول تجاه الصالون قائلًا: ألف شكر يا عمي.. يا رب يا ساتر… اللي خالع رأسه يلبسها ..شربات يا أم العروسة.
صرخ الرجل الذي يقف عند عتبة البيت في وجوم وهو يقول منفعلًا من تصرف الشاب الأهوج: أنت يا أبني رايح فين أنت وهو؟
رواية عن الغربة والعودة إلى الوطن: المشهد الثاني.
لم يستطع الرجل بعد عدة مشادات إلا أن يجلس منصاعًا لحماقتهم .. ظلوا قرابة الربع ساعة محدقين ببعضهم البعض قبل أن يصيح بهم بملل لبنطق حوكشة قائلًا:
يا عمي أنا كل اللي طالبه إيد بنت حضرتك! مش فاهم حضرتك مش طايقني ومعترض على جوازي منها ليه؟
نظر الرجل له بضيق شديد وكأنه ملَّ من تكرار الحديث مرارًا وتكرار وقال: بص يا أبني أنت وجوز الغربان اللي قاعدين جمبك دول أنا معنديش بنات للجواز… ولا ايديها ولا رأسها.
ضحك المدعو حوكشة وهو يقول: طب أحلف بالله كده أنك مش عندك بنات للجواز..
_ أحلف أيه؟.. أنت اتجننت يا ولد ولا أيه؟
يا عمي يا عمي.. أرجوك ما تحرمش عصفورين كناريا زينا من بعض.. هتتحاسب.
_ يا ابني أنا هتحاسب لو إدتها لواحد زيك…تقدر تقول لي معاك أيه؟
أنا معايا إتنين صحابي وثلاثة منتظرين بالأسفل..
_ بالأسفل! والله! دا أنا ما شوفتش أسفل منك يا جدع.
ليه بس الغلط يا عمي دا أنا معتبرك زي جوز خالتي وبحترمك وبقن لك كل الإحترام.. فمتعملش كده معايا حرام.
رواية عن الغربة والعودة إلى الوطن: المشهد الثالث.
_ أكيد جوز خالتك كان صايع زيك علشان كده كنت بتحترمه.
لا الراجل عمره ما طلع من بقه العيبة ولا عمره قال لي يا حوكشة أنت فيك عيب.
_ يبقى أكيد كان أعمى.. علشان كده مش شايف أنك مجموعة من العيوب.
لا كان مي. ت… مكنش فاضي لي.
_ ميت! طيب ما كده.. طبيعي بيتحاسب.
طب خليك فاكرها يا عمي علشان أنا لخامس مرة بتقدم وحضرتك بتأخرني… خلي بالك هي بالرجولة مش باللي ياخد الأولى.
_ بلا أولى بلا ثانية… يلا برة بيتي مش فاضل غيرك أنت اللي هادي لك بنتي… دا أنت السيجارة مش بتطلع من بوقك.
ولا العيبة يا عمي صدقني وبعدين أقسم لك أنا صنف السجاير ده مش بيدخل بقى.
رواية عن الغربة والعودة إلى الوطن: المشهد الرابع.
_ يا سلام.. أومال الدخان اللي بتبقى طالعة منك دي أيه.
هذا قلبي المحترق يا عمي..تتأجج به نيران الحب.
_ حبك قطر يا بعيد أطلع برة بقولك.
خلي بالك يا عمي أنا مفيش أرجل مني في المنطقة وكلي بركة.
_ وده مين اللي قال كده؟
أمي.. أمي الله يرحمها كانت دائمًا تقول لي كده.
ما هو القرد في عين أمه غزال… برة بيتي بقى يا غزال.
يا شيماااااء…محدش هياخدك غيري يا شيمااااء.
رواية عن الغربة والعودة إلى الوطن: المشهد الخامس.
_ أخدك ربنا..أمشي برة يلا…شيماء مين يا أهبل بنتي إسمها رغد أصلًا.
هو أنت بتطردني من الاتحادية…بالراحة…متبقاش تزعل بقى لما أبلغ عنك مباحث التموين.
_ وهتقول لهم ايه يا خفة؟ أنا ماشي سليم.
هقول لهم سارق كريمة حياتي.
_ يا ابني أطلع برة بدل ما أروح فيك السجن…. دا ايه العالم المجانين دول.
ألقى الرجل عليهم بعلبة الحلوى بعدما دفعهم للخارج وهو يقول: يلا يا عالم يا صيع من هنا مش فاضل غير اللي هيزهقي أنا وبنتي في الرايحة والجاية، ويكن في علمك لو شوفتك بضايقها أنا هقدم فيك شكوى! أيه رأيك بقى!.
نظر له الفتى بعيون يملأها الوعيد وهو يقول: طيب أبقى حاول كده .. كلمة ومن الآخر علشان أنا حديثي نوعه فاخر…رغد مش لحد غيري.. ولو حاولت يبقى قول على بنتك يا رحمن يا رحيم كلمة من دراع فرج الأسيوطي الكبير.. ومن غير سلام.
قالها الشاب لينصرف بصحبة رفيقيه ويغلق الرجل الباب وهو ينظر لفتاته الواقفة أمامه بكل براءة وعينيها تنبئان بأن الخوف قد تسلل لداخلها فها هي الآن معرضة لمصائب لا تحصى على يد ذلك البلطجي الذي يقطن معها في نفس الحارة ويضايقها في كل خطوة لها خارج المنزل.. تربط كلمات والدها على قلبها قليلًا لكنها تعلم داخل عقلها أن ما في يده حيلة وهو الشيخ الواهن .. الذي يرعاها هي وأخوتها الفتيات وأمها المريضة.
رواية عن الغربة والعودة إلى الوطن: المشهد السادس.
داخل فيلا عبد العزبز النجار وفي غربة الإبنة الجديدة التي أنارت عالمه منذ ليلة واحدة وقف عبدالعزيز ينظر لإبنه لحمزة وقد فهم كل واحد منهما الآخر وما ينوي فعله وفي نفس الوقت تجلس فيروز الفتاة الأمريكية بينهما دون أن تفهم شيء مما يحدثحتى تبسم عبد العزيز وهو يمسك بيدها وقال: بس يا ستي دي هدومك الجديدة هدية من بباكي عبدالعزيز لأجمل بنوته، انا حبيت اجبلك هدوم على زوقي وبعدين هننزل بكرة انا وأنتَ نشتري بقية المستلزمات.
بادلته فيروز نفس الإبتسامة وقالت: بس انا عندي هدوم كتير، مش محتاجة كل ده.
عبدالعزيز: وماله … بس مش تتفرجي على ذوقي الأول.
نظر حمزة لساعة يده وقال بلهفة وقد أدرك أنه تأخر على موعد اللواء: طب يا حج انا همشي بعد اذنك وعلى ميعادنا يا فيرو وبلاش تراك النهارده.
أومأت الفتاة برأسها له وهو يخرج من باب غرفتها مغلقًا إياه خلفه، لتلتفت هي لوالدها الذي يمسك بيدها بقوة وهو بقول بحنان بالغ: فيروز يا بنتي أنا عارف إنك عشتي عمرك كله بعيد وفي وسط غريب .. ومتأكد أن جوه عقلك حصل تشتت بسبب النقلة الحضارية اللي حصلت له ولكن اللي عايز أقوله إن أوقات كثير الإنسان بيكون فاكر نفسه صح علشان بس محدش فرق له بين الصح وبين الغلط.
رواية عن الغربة والعودة إلى الوطن: المشهد السابع.
ظهرت الحيرة أكثر على وجه الفتاة وهي تقول: حضرتك تقصد تقول أيه؟
إبتسم عبد العزيز وهو بقول: بصي يا بنتي أنا بحب الصراحة وإتعودت أكون صريح.. البيزنس علمني كدة والدنيا كمان.. علمتني إن الصراحة مفيش أحسن منها لطريق الحق يعني زي ما بيقولوا الصدق..منجاة..دلوقتي رجعتي لحضني .. بس أنا حاسس بسنين الغربة اللي باعدة ما بينا المسافات وعايزك تعرفي إني عمرك اللي قضتيه بعيد عني .. سنين ما عشتهاش من عمري.. إتسرقت مني زور. بس دلوقتي حبيبة بابا رجعت وعمري ما هسمح انك تفارقيني ثانية…. انا مش ممكن اخسرك ابدا.
قالها ثم ضمها إليه وقد تأثرت هي من كلماته المنسابة كرقراق ماء عذب فقالت بتساؤل: بابا انت بتحبني كل ده.
عبدالعزيز : انتي واخواتك يا فيروز اغلى حاجة في حياتي …. لا يمكن اسمح ان حاجة تحصلكم …انا اموت فيها… لا سمح الله
فيروز بخوف لم تفسر سببه .. هل سريعًا شعرت بحبها تجاهه؟ هل سريعًا إندمجت مع تلك العائلة المرحة فقالت بدون وعي: بعد الشر عليك داد….. وانا مبسوطه جدا ان انا معاك.
قالتها الفتاة دون أن تعلم أن القدر يخبأ لها مفاجأة ستلقي بها هي الأمريكية الرقيقة في دورب الدنيا الطاحنة حتى تعود من حيث جاءت..فترى ما الذي تخبأه لها؟
إنتظروا الحلقة القادمة.
بقلم آمنة محمد.
اكتشاف المزيد من عوالم من الخيال
اشترك للحصول على أحدث التدوينات المرسلة إلى بريدك الإلكتروني.
