قصة كوميدية مغامرات رحمه

 قصة كوميدية مغامرات رحمه

 قصة كوميدية مغامرات رحمه ضحكة قبل العاصفة

الكلام على إيه يا ملكة المغامرات

صحيت من النوم مش شايفة قدامي كويس الدنيا ضباب وصوت صحابي حواليا عالي كأنهم كانوا مستنيين اللحظة دي من بدري استغربت هم جم إمتى وإزاي دخلوا أصلًا

فتحت عيني بالعافية بصيت لهم بنظرة فاضية مفيهاش تركيز ولا اهتمام وقمت من على السرير من غير ما أقول كلمة دخلت الحمام غسلت وشي بمياه ساقعة كأني بحاول أفوق نفسي من حلم تقيل اتوضيت وصليت وبعدها رجعت قعدت على السرير قدامهم

كانوا ساكتين بيراقبوني لحد ما فجأة انفجرت ضحك ضحك هستيري عالي متقطع ضحك مش طبيعي خالص كل ما أحاول أهدى أفتكر موقف من امبارح أضحك أكتر

نورهان

بت يا رحمه إنتِ بتاخدي حاجة من ورانا

بصيت لها برفعه حاجب ولسه بضحك

أيوه بشرب مايه مبلولة

سكتوا لحظة وبعدين بصوا لبعض وانفجروا ضحك

نورهان كانت أول واحدة تهدى لأنها دايمًا أعقلنا أو بتحاول تبان كده

نورهان

هنروح فين تاني إنتِ ممرمطانا معاكي

شروق بصت لرحمه قبل ما ترد وكأنها مستنية الإشارة

أكيد يا نور يومًا ما هنروح مكان مالهوش رجوع

الكلام وقع تقيل نورهان سرحت وشروق شردت

وأنا

بصيت لهم وغمزت بعيني اللي لمعت ببريق غريب بريق بيقول إن اللي جاي مش هزار اللي جاي مرار طافح

ضحكت ضحكة خفيفة بس فيها حاجة مرعبة كأن الفكرة كملت في دماغي خلاص

رن الموبايل فجأة

مهدي

فينك يا غبية مش بتردي ليه

قلبت عيني بضيق

مهدي أنا مش بحب حد يقولي يا غبية

سكت لحظة وبعدين قال بسخرية

طب يا غبية يا غبية

بت انتِ اتصلتي بيا وقفلتي عايزة إيه

مفيش خلاص مش عايزة حاجة

صوته اتغير فجأة

نعم يا أختي بعد ما صحّتيني من النوم انجزى عايزة إيه

ابتسمت بخبث

حبيبي والله يا عم

انجزي يا رحمه مش بيجي وراكي خير أبدًا

تنهدت

مخنوقة

رد بسرعة كأنه حافظ الرد

وإيه الجديد يا رحمه يا أختي

سكت لحظة وبعدين قولت بهدوء غريب

مش إنت أخويا وصاحبي

سكت وبعدين قال

فـ؟!

قربت صوتي أكتر وكأن في سر

ف عايزة أخرج

ضحك بصوت عالي

إيه ده أخيرًا الغبية اللي اتعرفت عليها قررت تخرج من الكهف

مهدي

نعم

المرة دي مختلفة

سكت

مختلفة إزاي

بصيت لصحابي اللي كانوا مركزين معايا وكأنهم مستنيين القرار

هنروح مكان مش زي أي مكان

يعني

ابتسمت ببطء

هنروح مكان يا إما نرجع منه متغيرين

يا إما منرجعش خالص

سكت مهدي لأول مرة

رحمه إنتِ بتتكلمي جد

بصيت للفراغ قدامي وكأن في حاجة أنا بس اللي شايفاها

أكتر مما تتخيل

نورهان قامت وقربت مني

إنتِ ناوية على إيه

شروق

أنا مش مطمنة

رحمه بصت لهم بابتسامة هادية

فاكرين امبارح

بصوا لبعض بتوتر

لما لقينا المكان ده لما الخريطة ظهرت

لما النور مسك في إيدي

إيدي ارتعشت شوية كأني حاسة بنفس الإحساس تاني

نورهان همست

ده مكان مش طبيعي

عارفة

شروق

وممكن يبقى خطر

عارفة

سكتوا مستنيين جوابي

ابتسمت

بس أنا عايزة أروح

نورهان

وإحنا

بصيت لهم واحد واحد

إنتوا معايا ولا لأ

لحظة صمت وبعدين شروق قالت بابتسامة فيها تحدي

أنا معاكِ لحد الآخر

نورهان تنهدت

أنا عارفة إني هندم بس برضه جاية

ضحكت

كنت متأكدة

رجعت للموبايل

مهدي

نعم يا مصيبتي

جهّز نفسك

ليه ولأيه؟!

مغامرة

سكت وبعدين قال

فيها أكل

ضحكت

ممكن

طب أنا جاي

قفلت الموبايل وقفت في نص الأوضة

بصيت لهم وبصيت لإيدي اللي كأنها لسه شايلة نور مش موجود همست لنفسي

الرحلة بدأت

لكن جوايا كان في صوت تاني بيقول دي مش رحلة

دي حاجة أكبر بكتير والضحكة اللي خرجت مني بعدها

ما كانتش ضحكة حد رايح مغامرة كانت ضحكة حد داخل على مصيره

قصة كوميدية مغامرات رحمه  قعدة الكافيه قبل أول خطوة

اتلمّينا أنا وشروق ومهدي ونورهان في كافيه هادي شوية إضاءة خفيفة وصوت فيروز شغال في الخلفية بس رغم الهدوء إحنا كنا أبعد ما يكون عن الهدوء

مهدي بص لرحمه بنص عين وقال وهو بيبتسم بسخرية

تتحسدي يا رحمه أول مرة نتقابل من غير ما تقولي إنك مصدعة

رحمه تزمرت ورفعت كتفها بضيق

يوووه يا مهدي بقى يا بني ارحمني شوية

شروق خبطت إيديها على الترابيزة فجأة

بس بس انتو الاتنين بعدين أنا جعانة

مهدي بص لها وضحك

وإنتو كلكم من إمتى شبعانين إنتو على طول جعانين

بصوا له كلهم مرة واحدة وبصوت عالي

إنت وبعدين معاك على أساس مش جعان ارحمنا يا عم عقدتنا

ضحك وهو رافع إيده باستسلام

طب يلا شوفوا هتطفحوا إيه خلينا ناكل

وبعدين نقل نظره لرحمه اللي كانت سرحانة عينيها مش معاهم خالص

جلابه المصايب سرحانة في إيه

الكل ضحك؛ الجو كله خفة دم هزار وطاقة مجنونة

الثنائي الأكثر جنان مهدي ورحمه لكن رحمه ما ضحكتش

كانت باصة قدامها بس مش شايفة الكافيه كأنها شايفة حاجة تانية مكان تاني نور غريب بيظهر ويختفي

نورهان لاحظت ومالت عليها بهدوء

رحمه إنتِ كويسة

رحمه فاقت فجأة وبصت لهم

ها آه كويسة

شروق ضيقت عينيها

لأ مش كويسة إنتِ من ساعة ما قعدنا وإنتِ مش هنا

مهدي سكت وبص لها بتركيز المرة دي مش هزار

في إيه

رحمه أخدت نفس عميق وبعدين قالت بهدوء غريب

فاكرين اللي قولتلكم عليه

الضحك وقف تدريجيًا

نورهان همست

المكان

رحمه هزت راسها

أيوه هو

شروق حاولت تهزر

يا عم بلاش أفلام إحنا جايين ناكل مش نتحبس في قصة رعب

رحمه ابتسمت ابتسامة صغيرة بس مش مطمّنة

للأسف إحنا دخلناها فعلًا

مهدي عقد حواجبه

إنتِ بتتكلمي جد

رحمه

أكتر من جد

سكتوا لحظة والجو اتغير حتى صوت الكافيه بقى بعيد كأنه مش تابع للمشهد

مهدي كسر الصمت

طب فهمينا

رحمه بصت لهم واحد واحد

المكان ده مش عادي وأنا متأكدة إنه بينادينا

شروق

بينادينا إحنا ليه أنا هغير اسمي ومش لاعبه ياعم

مهدي ضحك بصوت عالي

ورحمه بصت له بغضب وهو كتم الضحكة وكملت كلامها

معرفش بس اللي حصل امبارح النور الخريطة إحساسي كل ده مش صدفة

نورهان همست

وإحنا هنعمل إيه

رحمه ابتسمت والبريق رجع لعينيها

هنروح

شروق ضربت كف بكف

طبعًا أكيد هو ناقصنا

مهدي ضحك نص ضحكة

أنا كنت عارف إن القعدة دي مش هتعدي على خير

بص لرحمه

وإنتِ متأكدة إننا هنرجع

رحمه سكتت لحظة وبعدين قالت

لأ

الصمت رجع تقيل وبعدين فجأة مهدي ضحك طب حلو مغامرة فيها موت تمام أنا داخل

شروق

إنت مريض

وأنتِ جاية برضه

نورهان تنهدت

أنا بجد مش طبيعية إني موافقة بس خلاص

رحمه ابتسمت ابتسامة انتصار

كنت عارفة

الجرسون جه بالأكل وحطه قدامهم

مهدي قال وهو بيبص للأطباق

طب نأكل الأول وبعدين نروح نموت براحتنا

ضحكوا كلهم حتى رحمه بس ضحكتها كانت مختلفة كأنها عارفة إن اللحظة دي آخر لحظة عادية في حياتهم

وبين صوت الضحك كان في إحساس خفي بيقول

إن الرحلة بدأت من غير ما حد فيهم يحس

 قصة كوميدية مغامرات رحمه العجوزة وبوابة الغموض

كانوا خلاص هيقوموا من على الترابيزة

الضحك لسه موجود والهزار شغال وكل واحد فيهم ماسك حاجته

مهدي

يلا يا جماعة قبل ما نغيّر رأينا ونقرر نعيش طبيعي

شروق

لا لا خلاص اتورطنا

نورهان وهي بتضحك

أنا لحد دلوقتي مش فاهمة إزاي وافقت

رحمه كانت ماشية وراهم

لكن فجأة وقفت

حست بحاجة شدتها مش صوت مش لمسة إحساس

رفعت عينيها وشافت ست عجوزة واقفة على جنب شكلها غريب مش شبه حد في المكان لبسها قديم شوية وعيونها فيها حاجة مش مفهومة

العجوزة بصت لها نظرة طويلة عميقة كأنها عارفاها من زمان رحمه اتحركت ناحيتها من غير ما تحس ووقفت قدامها العجوزة ابتسمت ابتسامة خفيفة وقالت بصوت فيه غموض

إزيك يا رحمه عاملة إيه يا بنتي فاكراني

رحمه سكتت الدنيا حواليها بدأت تبهت الصوت اختفى الكافيه اختفى كل حاجة اختفت

دماغها سحبتها لمكان تاني بعيد نور غريب فراغ إحساس إنها واقفة في لا شيء

بعين مزغللة وتايهة قالت

أيوه فاكراكِ

وسكتت لحظة

إنتِ مين

فجأة

إيه يا عم مالك هو إنت اشتريت المكان لوحدك

الصوت كان مختلف رجعت تبص حواليها بس مش الكافيه فراغ واسع فاضي مفيهوش حاجة غيرها وشخص واقف قدامها رحمه حاولت تركز

أنا فين وإيه الفضاء الفاضي ده كله وانت مين

الشخص بص لها باستغراب ورفع حاجبه

بجد السؤال ده ليا أنا

قرب منها خطوة وبص لها بنظرة فيها استهزاء

إنتِ يا بنتي شكلك هبلة وغبية

رحمه اتأفأفت بضيق

يووووه هو كل ما حد يشوفني يقول عليا غبية

بصلها وابتسم ابتسامة خفيفة فيها تسلية

شكلنا هنتسلى

مد إيده ناحيتها بثقة

أنا تميم عالم فضاء

رحمه بصت لإيده وبعدين له وبابتسامة غبية فعلًا قالت

وأنا رحمه عالمة أرضية

ثانية ثانيتين سكتت بصوا لبعض وفجأة الاتنين انفجروا ضحك بس الضحك ده ما كانش عادي لأن في نفس اللحظة في الكافيه

نورهان

رحمه

شروق قربت منها

إنتِ واقفة كده ليه

مهدي مسك كتفها وهزها

رحمه فوقي

رحمه كانت واقفة بس عينيها مش هنا معلقة في مكان تاني والعجوزة اختفت كأنها عمرها ما كانت موجودة

رجع صوت تميم تاني لكن المرة دي أهدى

واضح إنك مش فاهمة حاجة

رحمه بصت له والضحك اختفى من وشها

لأ ومش مرتاحة

تميم

كويس الإحساس ده صح

إيه ده

قرب منها شوية وصوته بقى جدي

دي البداية يا رحمه مش النهاية

قلبها دق بسرعة

بداية إيه

ابتسم بس ابتسامة غامضة

الرحلة اللي إنتِ اللي بدأتيها

سكتت

أنا

أيوه وإنتِ مش لوحدك

في نفس اللحظة رحمه فتحت عينيها فجأة في الكافيه وأخدت نفس جامد

مهدي

أخيرًا إيه اللي حصل لك

شروق

إنتِ خوفتينا

نورهان

شوفتي إيه

رحمه بصت لهم لكن نظرتها كانت مختلفة أهدى وأخطر

وقالت بهدوء

إحنا مش لوحدنا

مهدي

قصدك إيه

رحمه همست

الرحلة بدأت فعلًا

وبصت في الفراغ كأنها شايفة حد واقف بعيد وابتسمت ابتسامة خفيفة نفس ابتسامة تميم

اقرا قصة أحببني فلسطيني من هنا