سمكة وثلاث عيون

سمكة وثلاث عيون

سمكة وثلاث عيون: مغامرة البنات في قاع البحر شتاء

كان الحماس واكلهم أكل كأن الصيف لسه ماشي ومافيش شتا ولا برد ولا بحر هيهيج؛ نرمينا كانت قاعدة لوحدها وبتبص للسقف وبتفكر شتاء وبحر هو ده وقت مناسب؛ ضحكت لوحدها وهي بتقول في سرها ما انا طول عمري بحب الحركات دي؛ مسكت الموبايل وكلمت صحابها في مكالمة جماعية

ثواني يا أسماء هدخل شيماء وشرين وهبة ونبقى كلنا سوا

أسماء تنهدت بخوف مصطنع

ربنا يستر منك ومن أفكارك يا شيخة انتي دايما وراكي مصيبة

دخلوا البنات واحدة واحدة وصوت الضحك مالي المكالمة

نرمينا قالت وهي متحمسة

اسمعوا بقى احنا نروح البحر نعمل درايف كده ونغير جو ونركب غواصة

شرين قاطعتها قبل ما تكمل

غواصة ايه يا مجنونة

نرمينا كملت وهي بتضحك

وننزل قاع البحر نشوف العشب المرجانية والأسرار والسمك والحوارات اللي تحت الماية

هبة شهقت بصدمة

بس بس ايه يا بنتي أحلامك الغريبة دي انتي هبلة طبيعي ولا ده اجتهاد شخصي

ضحكوا كلهم والضحك خفف أي خوف مستخبي جواهم

شرين اتكلمت بحماس باين في صوتها

بصوا هي الفكرة مجنونة بس عاجباني قوي حاسة اننا محتاجين نعمل حاجة تخوف شوية وتضحك شوية

شيماء اتحمست وقالت حملة بهزار متعرفش انها هتتحول حقيقة

والله انا معاكم بس لو طلع في سمكة بثلاث عيون انا ماليش دعوة

نرمينا ضحكت بصوت عالي

اهي بقى سمكة وثلاث عيون دي تبقى قصة تتحكي

أسماء قالت بنبرة نص خوف ونص حماس

ماشي يا ستي بس لو رجعنا بزكام ولا برد تبقى انتي السبب

نرمينا ردت بهدوء

نرجع بذكريات بقى مش بزكام

قفلوا المكالمة وكل واحدة دخلت سريرها العتمة سكتت بس الخيال ما سكتش واحدة حلمت ببحر هادي وسمك بيلمع؛ واحدة حلمت بغواصة بتغوص أعمق من الخوف ونرمينا نامت وهي مبتسمة حاسة ان المغامرة دي هتغير حاجة جواهم حتى لو بسيطة

سمكة وثلاث عيون: بين الحلم والحقيقة

تاني يوم الكل كان جاهز بشكل يريب نفس الحماس نفس الاندفاع ونفس الإحساس إن في حاجة مستخبية في الجو؛ الغريب إن أحلام الليل كانت شبه بعض بس محدش فيهم نطق ولا حكى حلمه للتاني؛ كأن في اتفاق صامت بينهم إن اللي حصل في النوم يفضل محبوس جوا الدماغ؛ ركبوا العربية والضحك مالي المكان؛ نرمينا سايقة ومشغلة أغاني عالية؛

وهبة بتهزر

احنا رايحين مغامرة ولا جنازة بحرية

شرين ردت بأرتجاف

اسكتي يا بت انا قلبي بيدق من دلوقتي

لبسوا بدلة الغطس؛ والغواصة نزلت واحدة واحدة الميه حوالين منهم غامقة وهادية بشكل يخوف؛ وصلوا القاع وفجأة؛ سمكة كبيرة واقفة قدامهم؛ ثلاث عيون بتلمع؛ الكل اتسمر مكانه؛ شيماء قلبها وقع؛ افتكرت الحلم في ثانية؛ إيديها اتحركت لوحدها؛ من غير ما تحس فتحت باب الغواصة؛ الكل صرخ

يا شيماء انتي بتعملي ايه اقفلي

بس هي ما سمعتش؛ ايديها كانت ممدودة ناحيه السمكة لحد ما لمستها؛ وفي حركة مش متوقعة؛ السمكة قربت وقالت بصوت واضح

ايدك ياشابه لتوحشك

شيماء شهقت؛ وفاقت من النوم فجأة؛ حاسه نفسها بتغرق

وقعدت تضحك ضحك هستيري

يا ربي هو في عقل باطن سافل كده افكر في الشيء احلم بيه ولا السمكة بتتكلم بجد

وفي وسط ضحكها؛ الموبايل رن وكانت نرمينا

انزلي يا شيماء مستنياكي بعربيتي تحت البيت ونفوت على باقي البنات ونروح نبدأ مغامرتنا

الضحكة وقفت؛ شيماء بصت للسقف

وقالت بهمس

يا نهار أبيض؛ ده حلم ولا لسه الحكاية ما ابتدتش

سمكة وثلاث عيون: مغامرة القاع وبداية الأسرار

نزلت شيماء بسرعة من السلم وكانت نرمينا مستنياها بابتسامة كبيرة؛ ركبوا كلهم العربية ضحك وهزار وفرفشة على طول الطريق؛ هبة كانت متوترة شوية

يا جماعة يا ريت الميه تكون ساكتة وما يحصلش أي حاجة غريبة

شرين ضحكت وقالت

ما تخافيش أي حاجة غريبة دي تبقى مغامرة جامدة وصلوا على البحر، البحر شكله غريب شوية شتا والمية بردها تقطع؛ بس الكل كان متحمس ومش عايز يخلي الخوف يوقفه؛ نزلوا الغواصة وبدأوا يحسوا بالضغط والهدوء تحت الميه؛ الأسماك حوالينهم بتلمع كأنها عارفة إن في ضيوف جايين؛ فجأة نرمينا بصت لليمين

بصوا يا بنات شوفوا العشب المرجاني ده الوناتهم ولا في الأحلام

كل واحدة منهم حست إن الحلم بتاعها له علاقة باللي بيحصل؛ وفجأة، من بين الشعب المرجانية

طلعت السمكة ذات الثلاث عيون تلمع وبتحرك زعانفها ببطء؛ شيماء قربت شويه؛ والمفاجأة إن السمكة قعدت حواليهم وكأنها مستنية حد من البنات ييجي ويبتدي يحكي سرها؛ نرمينا قالت بصوت منخفض لكن كله حماس

أنا حاسة إننا لسه ما شوفناش نص الأسرار

هبة ارتجفت شويه

بس قلبي مش قادر أتحكم فيه من كتر الفضول

والغواصة واصلت تغوص في أعماق أعمق؛ الكل حاسس بالرهبة والمغامرة في نفس الوقت؛ والسمكة بثلاث عيون متابعتهم كأنها بتحرس عليهم حاجة

شيماء بصت لنرمينا وقالت

يا ترى الحلم بتاعي ده جزء من الحقيقة ولا مجرد صدفة مجنونة

وابتدى كل واحدة تحس إن البحر ده مش مجرد ماء وشعب ده عالم تاني كله أسرار، وكل سر بيستنى حد يكتشفه

سمكة وثلاث عيون؛ أسرار القاع

الغواصة كانت ساكتة والضوء من الشعاب المرجانية بيرقص حوالينهم؛ شيماء وقفت تبص للسمكة بثلاث عيون وبتسأل نفسها بصوت منخفض

هي السمكة دي لبسة لينسز عيونها بتلمع كده؟

نرمينا سمعتها وقالت وهي بتضحك

انتي على طول كده بتفكري بصوت عالي

بس شيماء ما لحقتش ترد؛ لأن السمكة قربت أكتر وكأنها عايزة تتكلم؛ وفجأة بصوت واضح

اه وبعمل بوتكس كمان

الكل اتوقفوا في صدمة؛ شرين ضحكت وقالت

يا نهار أبيض ده حتى السمكة شكلها مهتمة بالجمال أكتر مننا

هبة عملت وش متوتر وقالت

يعني احنا هنرجع من الغواصة ولا نروح نعمل مع السمكة صالون تجميل

الضحك مالي المكان

شيماء قالت وهي بتحاول تتحكم في نفسها

طب ماشي يا أختي جمالك كله أمان بس قولولي سرّك إيه بقي

السمكة فضلت بتلمع بعينيها التلاتة؛ والبنات حاسسوا بغموض رهيب؛ بس الغموض ده متخفي ورا ضحك هستيري؛ كأن البحر نفسه بيهزر معاهم وبيقول

أهلا بالمغامرات اللي مفيش حد مستعد لها

والغواصة كملت تتحرك بين الشعاب

والبنات مستغربات ومتحمسات وفي نفس الوقت خايفين الغموض هناك، الضحك هنا؛ والسمكة بثلاث عيون وبوتكس فضلت تراقبهم كأنها مستنية مغامرة أكبر تتكشف

سمكة وثلاث عيون: ضحك يتحول لسواد

رجعت السمكة مكانها ببطء؛ لون جسمها اتغير واحدة واحدة؛ والبحر فجأة بقى اسود كأنه اتقفل عليهم

الضحك وقف في حلوقهم؛ وعيون السمكة التلاتة اتحدت في شكل بشع يخوف؛ وقالت بصوت تقيل

اللي بيبدأ بالهزار والضحك اخرته بيتحبس عندي هنا

هبة شهقت بتوتر

يا ساتر يا رب هي كانت بتهزر ولا احنا اللي اتضحك علينا

شرين قربت من نرمينا

قوليلي ده حقيقي ولا احنا لسه بنحلم

شيماء كانت واقفة متسمرة؛ قلبها بيدق بسرعة وقالت

انا قلت من الاول السمكة دي مش طبيعية

وفجأة؛ سمكة تانية دخلت عليهم؛ شكلها اهدى بس عيونها مليانة خبث وقالت

اهلا يا باربونيا سمعت انك هتسحبي بنات هما بصوا في عينيكي ولا ايه

الكل بص لبعضه

نرمينا قالت بصوت واطي

احنا دخلنا فيلم ايه بالظبط

باربونيا لفت جسمها وردت بكل حقد

اه يا سرين ولو حد عرف السر عمرك ما هترجعي بشرية تاني

الكلمة نزلت عليهم تقيلة هبة صرخت

بشرية ايه احنا مش فاهمين حاجة

سرين ضحكت ضحكة خفيفة مستفزة

واضح انهم لسه ما يعرفوش وده اللي مخلي الموضوع مسلي

شيماء حاولت تضحك عشان تهدي نفسها

يعني احنا كنا فاكرين نفسنا في رحلة بحر طلعنا في برنامج مقالب سمكي

السمكة باربونيا قربت منهم والسواد حواليهم زاد وقالت

اضحكوا اضحكوا الضحك هنا ما بيطولش

الغواصة سكتت والبحر سكت وكل واحدة فيهم حست ان الهزار خلص بس الغموض لسه بيضحك من بعيد

اقرا قصة عاصفة القلوب الفصل السابع من هنا