يسقط سيف الخصم وسط تهليل كبير بفوز ابن الملك ، وتأتى فقرة الأكل فيسرعا كلا من كرنجشوه وعلي ليحذراه الملك والملكة مما سيحدث للمعازيم وابنتهم .
يوقف الملك فقرة الأكل مؤقتاً ويذهب إلى حجرة العرش .
يأتى الملك بالطباخ ويستجوبه فيكون على غير درايه بذاك الخطأ ، فيذهب ليستكشف المطبخ فيجد أن شكائر الدقيق مثل ما كانت بالأمس لم تفتح بعد ، وأنه بالفعل وضع الجبس بدلاً من الدقيق .
يأمر الملك الطباخ بتحضير طعام جديد فى اقل من ساعة وأن جزاءه سيكون خصم كل هذا الطعام التالف من راتبه ، وسيكتفى بذلك لأن لم يحدث مكروه لأحد وتم إنقاذ الموقف بواسطة العرافين .
……………………………………..
داخل حجرة الضيوف مرة أخرى
يأكل كلا من علي وكرنجشوه بعد انتهاء الحفل .
علي بتعجب : انت سرقت الأكل ده من الحفلة ؟
كرنجشوه : اصل انا مفجوع ، وعارف انى هجوع تانى فخدت منهم بزيادة .
علي : بس مخدناش برده السيف ؟
كرنجشوه : سيب ابن الملك يفرح بيه النهاردة ونحاول نقلبه بكره .
علي : دا أن فضلنا هنا لبكره دا كبير العرافين مش طايقنا واكيد عاوز يمشينا ، شوفت لما الملك طلب منه نقعد فى جناح العرافين وانه خلاص قبلنا ، وشه أحمر وأخضر وقاله سيبنى يومين اجهزلهم حجرة .
كرنجشوه : سيبك منه دا راجل حقود .
علي : انا جتلى فكرة كويسة نأخد بيها السيف ، بقولك انت لسه معاك المكياج بتاعتك .
كرنجشوه بتناكة وهو يخلع ستره : عيب عليك أنا أقدر أمشى من غيرهم دى لعبتى ، ثم يفرد سترته ليريه كثرة الجيوب بها المملؤة بأدوات المكياج .
……………………………………..
أمام باب حجرة ابن الملك
يترقب علي الحجرة من بعيد منتظر خروجه .
ابن الملك لحارس الباب : انا نازل شويه فى الجنينة علشان لو الملكة سألت عليا .
بمجرد أن خرج أشار علي لكرنجشوه بالتحرك
يظهر كرنجشوه متألق بالمكياج ليظهر بوجه مطابقاً تماماً لوجه ابن الملك
كرنجشوه : ها ايه رأيك انا كده شبهه ؟
علي بذهول : جداً ، دا لولا صوتك كنت افتكرتك هو بجد ، و كنت جريت منك ، المهم تدخل من غير ما تكلم مع الحارس علشان صوتك .
كرنجشوه بكوميديا وثقة وهو يرفع كتفيه وينفش صدره : متقلقش هشرفك .
علي بجدية : مش وقت هزار يلا انطلق .
……………………………………..
يمر كرنجشوه بسلام وسط دهشة الحارس بعودته سريعاً
يدخل الغرفة ليجد السيف معلق على الحائط يلفه بأحد الملابس ويخرج فيجد الحارس أمامه ويسأله هل يريد اخباره إلى أين سيذهب تلك المرة ليخبر الملكة اذا سألت ، فيقف كرنجشوه لا يستطيع الكلام قلبه يخفق من الخوف .
يذهب على إليه سريعاً : مش يلا هنتأخر قلتى هتجيب حاجة من فوق وتنزل تانى تقعد معايا فى الجنينة ، عن اذنك يا حارس احنا رايحين تانى الجنينة علشان لو سألت الملكة .
……………………………………..
داخل حجرة الضيوف
علي : اظبط الآلة بسرعة .
كرنجشوه: بظبطها اهوه مع انى كنت عاوز أشيل المكياج الأول .
علي : مش وقته يا كرنجشوه نشيله هناك .
……………………………………..
فى الصحراء مرة أخرى وعلي ممسك برأسه
كرنجشوه : افتكرتك اتعودت على الصداع ده ، وكمان معرفش ليه بحسك مضايق كل ما نرجع علي بيت سورانديك بالأداة .
علي : بصراحة مستخسر فيه المنصب واحد بالشر ده هيبقى الملك بتاعكوا ازاى اكيد هيخربها ويملأ المملكة كلها شر .
يصمت كرنجشوه ……
علي : مالك .
كرنجشوه: انا طول عمرى يهمنى الفلوس ، الفلوس وبس ، بس مش عارف ليه المرادى احتمال كلامك يبقى صح ؟ بس انا ماضي عقد مسحور بكده مقدرش ارجع فيه .
علي : تعرف أن فى حاجة غريبة اوى فى كل مهمة .
كرنجشوه مازحاً : اه بنأكل أكل حلو مهمة آه ومهمة لا .
على : مش بهزر يا كرنجشوه ، الغريبة اننا احنا بس اللى بندور على الكنوز دى ، ليه محدش بيدور معانا هو مش اكيد فى مترشحين غيره ؟
كرنجشوه : ما جايز احنا بنسبقهم كلهم .
علي : فى كل مهمة بنسبقهم ، مش فى وقت محدد أصلاً للإنتخابات وبعدين يعلنوا النتيجة ، ازاى باقى المتسابقين مش ملتزمين بالوقت ده ، ليه مفيش تنافس فى أى مهمة ؟
كرنجشوه : معاك حق هيا غريبة فعلاً ، بس فاضل مهمة خلينا نخلص منه وخلاص !
……………………………………..
داخل منزل سورانديك
يتحسس سورانديك السيف الفضي بكل حب : انا مش عارف اشكركوا ازاى .
علي بمضض : شكراً بتاعتى انت عارفاها كويس ليك عندى مهمة واحدة ومشوفش وشك تانى ، لما تجهز ليها ابقى بلغنى ، انا همشى سلام .
…………………………………………..
داخل منزل كبير السحرة
معقولة جبلك السيف كمان ؟ دا جامد بقى ؟!
= انا متفائل خير انه هينجح فى المهمة الجاية
كان نفسى اتفائل زيك لما نشوف هيعمل ايه ؟