مونيكا : أخيرا لبيت دعوتى وجيت تسهر معايا ، انا اسعد واحدة فى الدنيا انا بقالى سنين بتحايل عليك.
واخيرا قررت مونيكا تعترفله بحبها لكن عادل رد وقال
عادل بفرحة : انا جي اديكى دى وامشى علطول، دى دعوة فرحى انتى اول المعزومين طبعاً، ويتركها ويغادر
تذهل مونيكا وتبدأ فى البكاء، كاد قلبها يتمزق فحين قررت أن تعترف له بحبها كان قادماً ليدعوها على حفل زفافه.
……………………………………..
داخل شركة الإنتاج تجلس مونيكا مع مساعدها
جون : اهدى يا مونيكا
مونيكا وهى تشغل سيجارها بشراهة : الحقيرة الواطية خدته منى، انا مش هسيبهولها انا هنتقم منها .
جون : هتعملها ايه ما مجنونه.
مونيكا : هعملها سحر، أنا عاوزاك تساعدنى فى الموضوع ده مش قلت قبل كده أختك كانت عامله لابن خالك عمل علشان تفركشله خطوبته و تتجوزه هيا ، يبقى ليك فى المواضيع دى وتتصرفلى لو لسه باقى على أكل عيشك معايا .
……………………………………..
داخل بيت أحد السحرة
جون : اعرفك استون أجمد ساحرة أعرفها بس سعرها عالى شوية.
مونيكا : حكتلها أنا جايه ليه.
استون : هو حكالى انك عاوزه تفرقيهم عن بعض؟
مونيكا : وهديكى اللى أنتى عاوزاه.
استون : الحقيقة سحر الفراق سهل لكن تنفيذه اللى صعب ، المطلوب أى فستان أو طقم انتى تختاريه دا الجزء السهل أنما الجزء الصعب لازم تضمنى انها هتلبسه فوق ال ٣ ساعات ولازم الشخص اللى عاوزين تفرقوها عنه يشوفها وهيا لابساه.
جون : مفيش سحر أسهل من الحوارات دى ، مشروب تشربه مثلاً فنشربهالها أو أكله فنأكلهالها.
استون بغضب : كل دى خرافات بتطلع فى الأفلام وبس، ملهاش أساس من الصحة، لو مش هتقدروا على الجزء الصعب يبقوا متضيعوش وقتى.
تفكر مونكيا قليلاً ثم تتحدث : فستان فرحها، ايوه فستان الفرح، اكيد الفرح بيقعد فوق ال ٣ ساعات وأكيد عادل هيشوفه.
جون : برافو عليكي، ولو مقعدش ب ٣ ساعات نجامله بمطربين ونقعده اكثر من كده.
تمسك استون بزجاجة فارغة وتقرأ عليها بعض التعاويذ ترتج الزجاجة بقوة ثم تمتلئ فجأة بسائل يميل للون الأخضر ، تمسك الزجاجة وتعطيها لمونيكا.
مونيكا : ايه ده .
استون : دا عطر، أقوى سحر فراق مش بس هيخليها تفترق عن عريسها لا دى هتفترق عن كل راجل تحاول تتجوزه بعد كده، ترشيه على الفستان اللى يعجبك بشرط تفضى الإزازة كلها، ساعتها هيشتغل سحر الفراق.
مونيكا بحقد : وهيا تستاهل كل ده وأكتر، احنا متشكرين اوى يا …..
تقاطعها استون : لكن أى سحر بيبقى ليه عواقب لازم تعرفوها وتحذروها، أن الفستان هيفضل مسحور للأبد أى بنت تلبسه بعدها هيصبها هيا كمان سحر الفراق.
مونيكا بأنانية : ميهمنيش، المهم عادل يفترق عنها.
……………………………………..
داخل غرفة العروس، يدخل عادل
عادل : ايه القمر ده❤️
العروسة : الفستان تحفة جبته منين؟
عادل : صاحبى جه من مصر مخصوص يحضر فرحى وعنده اتيليه فقلت استغله فجبهولى معاه هدية، وكمان من زمان عارف ان عنده احلى فساتين، فقلت أكيد هيجبلى أحلى حاجة وانه هيعجبك .
تطرق مونيكا الباب لتدخل ثم تسلم على العرسان
مونيكا : أحلى عرسان فى الدنيا